Komuniti di menua pesisir patut begulai nentuka pemansang
Enda ngira bansa sereta jalai pengarap laban nengah penyerakup tu ulih nentuka pemansang di kandang menua pesisir
LONG LAMA, Baram: Kaban Kunsil Nengeri ( ADUN) Telang Usan Dennis Ngau dekaka komuniti China ditu beserakup agi ba pengawa ditegika sida deka nyadi komuniti ti mansang enggau maju.
Ba tuju tu ku Dennis, komuniti China kelebih agi ari Long Lama enggau Telang Usan mesti seruran nyaup pangan diri lalu gawa rat begulai pulaika pemaik sida.
“Komuniti China ditu mesti ngemeranka penyerakup enggau gawa begulai dikena nentuka pemansang seruran bisi ba Long Lama enggau Telang Usan. Kitai patut meruan nyadi siti ruang bilik besai ngambika muntang agi kitai deka maju.
“Diau ba menua diuan pupu bansa, beguna amat mega kitai nerima enggau bebasaka pengarap enggau budaya bansa bukai. Kitai enda ulih idup bepilih bulu, kitai mesti idup bebaik sereta seruran gerah gari mantu bala bukai ti begunaka bantu,” ku Dennis.
Dennis nyemetak madahka perintah nengeri udah bejalaika pengawa besai ngemansangka Telang Usan,
“
Diau ba menua diuan pupu bansa, beguna amat mega kitai nerima enggau bebasaka pengarap enggau budaya bansa bukai. Kitai enda ulih idup bepilih bulu, kitai mesti idup bebaik sereta seruran gerah gari mantu bala bukai ti begunaka
” bantu.
Dennis Ngau
ADUN Telang Usan
nyengkaum numbuhka Palan Pengerembai Menua Pesisir (RGC) ba Long Lama, enggau ngaga jematan Long Lama ti meraka batang Baram ba Pasar Long Lama ti disadang berengkah ulih ditengah mensia mayuh datai ba bulan April taun tu.
Ari penembu Jematan Long Lama tu ku Dennis deka ngasuh peranak Telang Usan lantang agi bejalai mindah.
Dennis mansutka jaku tu ngagai The Borneo Post pengudah bejalai ngabang ngelingi sitak iya nyerumba Taun Baru China (TBC) taun tu.
Ngelansa pasal hari besai nya, Dennis udah ngabang ngagai rumah bala komuniti China ari Long Lama ninting taun meri pesan lantang ungkup taun deka datai.
Iya mega ngingatka komuniti China ari Long Lama kelebih agi rebak nembiak ngambi ingatka asal penatai sida lalu mulaika diri ke menua ngintu hari besai tauka pengerami bukai ti diatur ba Long Lama tauka Telang Usan.
“Aku temegah ati taja gaya pekara dunya kemaya hari, ke alai peranak menua pesisir mindah ke mengeri ti mangka kesemua kandang menua dalam menua tu, komuniti China Long Lama agi ngemeranka pengawa asal sida ngatur pengerami nerima pengabang lalu sida ti diau jauh ari Long Lama ngena awak tu mulaika diri ke menua ngintu hari besai ba menua asal sida.
“Aku mega deka ngansak komuniti bukai ari rumah panjai besemak datai ngabang enggau ngusung komuniti China kitai rambau musim pengerami lalu baka nya mega komuniti China diperansang ngusung komuniti Kristen maya sida ngintu hari besai,” ku iya nambah.
Kelimpah ari rumah Pen- ghulu Desmond Yap, siku ketuai Komuniti China di Long lama enggau Bakong, Dennis mega bisi ngabang ngagai beberapa buah rumah nyengkaum sida ketuai komuniti Long lama baka Kapitan Yeo Kee Siang, enggau menijar Kem Samling Fung Kwok Wo ti bebini jadi enggau indu bansa Penan ari Long Lunyim Sungai Pelutan.
Bini Dennis, Debbie Urang enggau Ketuai Nembiak PBB Telang Usan Kaunsilor Dominic Nyurang mega bis nyempulang Dennis ngabang.