Pansik enggau silik sebedau nurun gawa ke menua luar, ku Yussibnosh

Raban nembiak patut mansik enggau silik penerang sebedau nurun gawa ke menua luar.

Kaban Kunsil Nenger (ADUN) Tellian Yussibnosh Balo madah, pekara ti nyad nyerumba pemansang dunya nadai betaka tu endang enda semua nya manah.

“Raban nembiak patut bebendar mansik nama pan peluang gawa ti udah diber ngagai sida kelebih agi bekau enggau pengawa di menua luar,” ku iya bejaku ngaga Utusan Borneo kemari.

Nitih ku iya, ukai deka nagang sida ngiga pengawa d menua luar, tang patut ngulihka penerang ti betul bekau palan gawa sida nya.

Nama agi bekaul pengawa d menua luar ke semina manah dieda lalu ngena tikas pelajar t baruh tang meri gaji ti besai.

Bisi mayuh sindiket ti dipadah Yussibnosh ke udah besemaya enggau manah bekaul peluang gawa pelesu t deka meri gaji ke besai endang ngambi ulih ba raban nembiak ti kurang bulih penerang bekaul pekara bansa tu.

Lalu chukup sinu, sida t dibai kin lalu ngaul diri dalam pengawa negatif ke bukai.

“Raban nembiak kitai ulih dijadika sida ‘keldai dadah lalu mayuh aktiviti bukai ke salah ba atur undang-undang ke diatur sindiket antarabansa,” ku iya.

Bedau lama ke udah, 47 iku peranak menua tu nyengkaum mayuh ari sida nya peranak Sarawak udah ditan ba sebuah jil Kemboja lalu enda dipechara ba kes penyalah.

Nitih ku penerang tumu bisi entara sida ti ditipu lalu dipadahka deka bulih peluang gawa enggau gaji ti besai d menua luar.

Perintah Malaysia diatu benung berunding enggau menua nya ngambika ulih ngelepaska 47 iku peranak Malaysia nya.