Baru ngutuk ulah nyerang gerija, hotel di Sri Lanka
Ulah nyerang beberapa buah gerija, hotel nya udah nabanka 200 nyawa sereta beratus iku bakal
KUCHING: Menteri Kereja Raya, Baru Bian mejah pengawa nyerang gerija enggau hotel di Colombo, Sri Lanka ti udah ngujungka mayuh orang mati sereta bakal.
Baru madahka, iya tekenyit enggau berasai sinu lebuh nemu pasal penusah bebunuh enggau pengerusak ti nadai ngembuan penyinu ti pansut dalam televisyen kena Hari Minggu nyin tadi.
“Aku berasai sinu amat ati meda pemayuh nyawa nembiak,orang indu enggau lelaki ti nadai dusa parai sekelip mata ba penusah nya. Lebih ngenyinuka ati laban ulah nya udah munuh mayuh nyawa ke nyadi ba hari ke besai amat reti dalam kalendar Kristian enggau gerija.
“Aku ngutuk sereta mejah ulah nya lalu ngarapka orang ti ngereja pengawa jai nya diukum. Sampi aku enggau kami sebilik sereta bala kaban belayan ke napi penusah kena bom di Sri Lanka,” ku iya nengah sebengkah penerang ngagai media kemari.
Baru ke mega Chairman Parti Keadilan Rakyat (PKR) madah, sebedau tu rayat di serata dunya udah meda mayuh nyawa udah lesi ba rumah sembiang di New Zealand.
“Orang ke nyerang udah ditemu lalu mandangka diri bisi nesal. Tang, indiividu nya temegah mantaika ulah ti enda manah nimbak orang ti
Aku berasai sinu amat ati meda pemayuh nyawa nembiak,orang indu enggau lelaki ti nadai dusa parai sekelip mata ba penusah nya. Lebih ngenyinuka ati laban ulah nya udah munuh mayuh nyawa ke nyadi ba hari ke besai amat reti dalam kalendar Kristian enggau gerija.
benung sembiang ti enda sesekali melabaka nasit diri maya ke benung besembiang.
“Ba Sri Lanka, sida ti benung sembiang mega nadai nyangka penusah ke baka nya tau nyadi lalu penusah nyadi lebuh maya hari ti pemadu besai reti, nyawa sida iya lenyau sekelip mata maya bom meletup ba beberapa buah gerija,” ku iya.
Enggau nya mega, iya ngarapka rayat Malaysia nadai milih nama bansa pengarap dipinta mantu lalu besampika ti manah ngagai sida ke tasah, sida sebilik, enggau orang ti dikesayau ba penusah kena serang bom ba Sri Lanka baka ke nyadi di New Zealand.
“Seterum enggau bom nadai ulih mida sesapa. Tang kitai ulih mandangka penyinu kitai ari pengawa kitai ti ngembuan penyinu dikena kitai mutar semua,” ku Baru ti mega Kaban
Baru Bian Menteri Kereja Raya
Parlimen Selangau.
Berebak enggau nya,nitihka berita ti dipansutka, bom ti meletup udah ngujungka sekeda endur berenyang di Colombo, indu menua Sri Lanka pukul 8.30 pagi jam menua nya.
Pengawa ti nyerang gerija enggau berapa buah hotel nya udah nabanka 200 nyawa sereta beratus iku bakal.