Entara chara betanam asal baka nunu ti enda betagang ti pulaika penanggul kelebih agi ngujungka penusah sebun asap
MUKAH: Chara betanam asal patut diubah ngagai chara ke baru ti lebih konvensional.
Kaban Kunsil Nengeri (ADUN) Daro Safiee Ahmad madah, entara chara betanam asal nya baka nunu enda betagang ti ngujungka meri mayuh penanggul kelebih agi ba penusah sebun asap.
“Chara betanam asal nengah pengawa meresi enggau nunu enda betagang nadai agi relevan ba pengelantang semua orang,” ku iya dalam pengerami bejadika ‘Program Kimpin Peneleba Rampa Menua Sentang Sebun enggau Nagang Pengawa Nunu Enda Betagang Pelilih Menua Daro’ ke diatur Opis pengeraja Asal enggau Rampa Menua (NREB) di Dewan Kemas, Daro kena Hari Empat.
Ku iya, chara nunu enda betagang nya ditemu entara sebengkah chara lama ke nadai begunaka ungkus ke mayuh tang meri penanggul ngagai rampa menua enggau mega mensia.
Majoriti nunu mayuh ba tanah paya di kandang menua Daro, ukai semina tau nyadi ke penusah angus ba luar tang nyentuk ke dalam tanah.
Gaya tu mih ke tau nyadi penusah angus ti ngujungka ngelekai sereta enda ulih dirara lalu pengujung iya ngeluarka asap sereta sebun.
Safiee madah nya sebengkah ari pemar dalam pe
Safiee Ahmad
ADUN Daro
mansang ba kandang menua Daro ke patut diputarka lengkas lalu betukar ngagai chara ke lebih likun sereta ungku ke manah agi.
Berebak enggau nya, Safiee ngelalau kelebih agi ngagai semua ketuai komuniti enggau ketuai bansa sereta pekebun bidang betanam bela sama nyaga rampa menua enggau nukar chara betanam nya.
Iya mega ngarap Daro deka terus mansang kelebih agi ba dalam bidang betanam laban potensi ke bisi ba nya tang ngena chara baru sereta lebih manah kelimpah likun ba rampa menua.
Bisi datai ngulu pengawa tu nya Kontroler Kualiti Rampa Menua Sarawak Justine Jok Jau Emang, Pemesai Pelilih Menua Daro Bujang Rahman Seli,
Pemesai NREB Mukah Jefrin Azlan Abdullah enggau Ketuai Balai Bomba enggau Penyelamat Daro Mohd Nor Abdullah.