Chong: Perambu numbuhka MMPK diterima manah
Diterima serap rayat nengeri tu kelebih agi di menua pesisir nya alai nadai isu MPKK enda nyadi ditumbuhka
KUCHING: Chairman Pakatan Harapan (PH) Sarawak, Chong Chieng Jen madahka perambu numbuhka Kaunsil Ngaduka Komuniti Genturung Pendiau (MPKK) diterima serap rayat nengeri tu kelebih agi di menua pesisir.
Ku iya, timbal ari rayat nengeri tu kelebih agi di menua pesisir kenyau beberapa minggu ke udah chukup manah nya alai nadai isu MPKK enda nyadi ditumbuhka di nengeri tu.
“MPKK udah diterima serap peranak menua pesisir
Chairman Pakatan Harapan Sarawak
Sarawak. Timbal ari rayat beberapa minggu sebedau tu pengudah ditumbuhka chukup manah,” ku iya lebuh dikerandau kemari.
Chong ke mega Sapit Menteri Dagang Menua enggau Pekara Penguna madah munyi nya lebuh dipinta ngena ulah bala ketuai raban bansa di nengeri tu ke mantah MPKK ditumbuhka.
Ku iya, ngena sistem MPKK nya inisiatif enggau program Perintah Besai ngenatai sereta meri sekeda program ke mega inisiatif Perintah Besai ngagai kelebih agi raban ke ditagit ti ngembuan penatai pemisi ruang bilik baruh ari RM3,860 sebulan.
Chairman Parti Tindakan Demokratik (DAP) Sarawak nya madah, MPKK mega ditumbuhka di Sarawak laban Perintah Nengeri Sarawak enda sanggup bekerejasama enggau Perintah Besai ngemujurka sekeda inisiatif enggau program ungkup rayat.
Dulu ari tu ba sebengkah aum media ditu, Chong madahka urung 5,900 Kaunsil Ngaduka Komuniti Genturung Pendiau (MPKK) deka ditumbuhka di nengeri tu abis laun bulan Januari 2020.
Taja pia iya pechaya penyampau nya deka nambah laban beratika agi bisi genturung pendiau enggau rumah panjai ke bedau berejista enggau PH nengeri.
Ku iya, prosedur operasyen standard (SOP) milih enggau nyiri chairman, sekretari sereta komiti MPKK di Sarawak udah ditetapka ba aum PH kena 29 September tu tadi.
Ku Chong baru, PH Sarawak deka merambu sekeda nama ungkup tetiap MPKK di nengeri tu ngambika dikenataika lalu dichiri Opis Menteri Pemansang Menua Pesisir (KPLB).
“Aku deka madahka pengawa nyiri MPKK di Sarawak atas jaku lalau PH Sarawak. Sida tu ila iya nya siku chairman, siku sekretari enggau 11 iku kaban komiti,” ku iya.
Ku iya baru, Gabungan Parti Sarawak (GPS) anang kelalu irau engagu pengawa numbuhka MPKK di nengeri tu laban nya ditumbuh ke pemaik rayat menua pesisir.
MPKK udah diterima serap peranak menua pesisir Sarawak. Timbal ari rayat beberapa minggu sebedau tu pengudah ditumbuhka chukup manah.
Chong Chieng Jen