Enda bebatak asur agi enggau Petronas
Enti sida enggai mayar SST undang-undang deka diteritka ba sida, ku Dr Rundi
KUCHING: Perintah nengeri enda bebatak asur enggau Petronas berindik ari kompeni pemansut minyak besai menua nya enggai mayar chukai nyual (SST) produk petroleum sepenyampau lima peratus ngagai Sarawak.
Menteri Utiliti, Dato Sri Dr Stephen Rundi Utom madah, hari kepenundi Petronas mayar udah abis timpuh lalu timpuh baru enda diberi ngagai sida.
“Kitai enda ulih bebatak asur baka ti dipadahka Kepala Menteri Datuk Patinggi Abang Johari Tun Openg.
“Kitai minta chukai tu
laban undang-undang ngemendarka nya enggau sida (Petronas) patut nitihka undang-undang.
“Enti sida enda nitih, undang-undang deka diteritka ba sida,” ku iya.
Iya madahka nya nyerumba aum pengarang berita pengudah pra-bejadika Minggu
Kuasa Antrabansa (IEW) 2020 ba Auditorium Menara LCDA ditu kemari.
Nambahka nya ku Dr Rundi, pengemeran industri bukai baka Shell enggau Murphy Oil udah mayar tang Petronas enda.
“Sida ulih nitihka undangundang ba endur bukai ke endur sida beoperasyen. Nama sida enda ulih nitihka undang-undang kitai?
“Tu pekara ke patut disaut sida. Tang aku bepenemu iya nya sida iya deka mayar,” ku iya.
Terang Dr Rundi baru, ninting taun Petronas mayar lima peratus royalti ngagai Sarawak.
Sarawak ku iya, minta bayar royalti ditikika ngagai 20 peratus tang Petronas enggai.
Nya alai ku iya, udah datai ba maya iya Sarawak neritka chukai tu ke nyadi hak nengeri ti dikemendarka undang-undang.
“
Kitai enda ulih bebatak asur baka ti dipadahka Kepala Menteri Datuk Patinggi
” Abang Johari Tun Openg.
Dato Sri Dr Stephen Rundi Utom
Menteri Utiliti