Tumbuhka pelin strategik dikena mutarka isu surat pala tanah NCR

Atur patut diambi pengudah perintah nengeri madahka bacha kereban GPS dikena DBNA enda betul, ku Willie

KUCHING: Perintah nengeri dipinta lengkas numbuhka pelin strategik, timpuh pandak enggau timpuh panjai dikena mutarka semua isu bekaul ngeluarka surat pala tanah ari baruh Seksyen 18 Kanun Tanah Nengeri.

Kaban Parlimen Puncak Borneo Willie Mongin madah, atur nya patut diambi pengudah perintah nengeri ti madah bacha kereban GPS ti dikena Sarakup Bansa Dayak Bidayuh (DBNA) ke enda betul udah ngujungka surat pala tanah Hak Adat Bansa Asal (NCR) komuniti Bidayuh tetangguh.

“Nyadi Kaban Parlimen di sitak majoriti bansa Bidayuh, aku ngansak perintah nengeri lengkas numbuhka pelin strategik, timpuh pandak enggau timpuh panjai dikena mutarka semua isu bekaul ngeluarka surat pala tanah ari baruh Seksyen 18 Kanun Tanah Nengeri,” ku iya ba

Kaban Parlimen Puncak Borneo

siti penerang berita kemari.

Iya nambah,pengawa ti nyangkal pekara ke enda betul ba kereban GPS ti dikena gerempung nya, siti pekara ke enda ulih diterima.

Nitihka iya, Sapit Kepala Menteri ti madah Datuk Amar Awang Tengah Ali Hasan baka madah perintah nengeri enda bebendar komited ngeluarka surat pala tanah ngagai komuniti Bidayuh ari baruh Seksyen 18 Kanun Tanah Nengeri.

“Nama penerang ungkup Kampung Semeba, genturung pendiau raban bansa Bidayuh ditu, tanah nya udah disukat kena 2002 tang nyentuk diatu agi meruan nganti (surat pala tanah dikeluar),” ku iya nengah penereng berita kemari.

Iya madah nengah ngeluarka surat pala tanah NCR komuniti Bidayuh deka meri peluang ngagai orang ngempu tanah nyereta dalam projek betanam betupi komersial, bulih subsidi lalu ngurangka penyarut ba isu tanah.

Willie madah munyi nya ke timbal ngagai penerang Awang Tengah bedau lama udah ti madah kebendar isu surat pala tanah komuniti Bidayuh laun dikeluar pengudah dokumentasyen pengawa nyukat tanah ari baruh inisiatif DBNA enda betul laban chara ke dikena GPS ba serakup nya enda betul.

Ku iya, nya projek komuniti lalu digaga dikena dokumenka baru tanah Hak Adat Bansa Asal (NCR) Bidayuh ke dilanchar kena taun 2007 di konstituensyen Serian, Mambong (Puncak Borneo) enggau Mas Gading.

Nyadi Kaban Parlimen di konstituensyen majoriti bansa Bidayuh, aku ngansak perintah nengeri lengkas numbuhka pelin strategik, timpuh pandak enggau timpuh panjai dikena mutarka semua isu bekaul ngeluarka surat pala tanah ari baruh Seksyen 18 Kanun Tanah Nengeri.

Willie Mongin