Kepala Menteri ngabas pemansang projek HEP Baleh
Hidroelekterik Baleh deka ngasilka 1,285 megawatt kuasa elekterik pengudah beoperasyen penuh ba taun 2026 ila
“
Sukung enggau kerejasama ari peranak menua Baleh enggau Kapit mega chukup beguna kena nentuka pemujur projek ke besai
” baka tu.
Dato Sri Dr Stephen Rundi Utom
SIBU:KepalaMenteriDatuk Patinggi Abang Johari Tun Openg bisi ngawakka diri ngabas Projek Hidroelektrik (HEP) Baleh kemari, meda gaya kebendar projek pemansang infrastruktur strategik ke pemadu besai di nengeri tu.
Nyempulang Abang Johari iya nya Sapit Kepala Menteri Tan Sri Dr James Jemut Masing, Menteri Utiliti Dato Sri Dr Stephen Rundi Utom, Sekretari Perintah Nengeri Datuk Amar Jaul Samion enggau Kaban Parlimen Hulu Rajang Datuk Wilson Ugak Kumbong.
Penatai sida disambut Chairman Sarawak Energy Berhad (SEB) Datuk Amar Hamed Sepawi enggau Ketuai Pemesai Eksekutif Tim SEB Datu Sharbini Suhaili.
Sama bisi, iya nya Mandal Presiden Eksekutif Ngenataika Projek Pramod Kumar Karunakaran.
Berebak enggau tu, Abang Johari mega bisi meda ari langit ngambika meda kediri
Menteri Utiliti
projek ti digaga.
Pengudah nya, ditangkanka enggau pengawa meri penerang bekaul enggau pemansang ke pemadu baru projek nya ari Direktor Projek HEP Baleh, Tan Hang Kiak.
Ungkup Sarawak, gaya dudi hari enggau bekal kuasa elekterik ke tegap bepanggai ba pengawa ngaga kuasa hidro.
HEP Baleh nya projek kereja sivil ke besai digaga kompeni ti diempu perintah nengeri, lalu deka nyadika pun penambah dalam strategi pemansang kuasa elekterik enggau pekara ke baru ba Sarawak.
Pengudah HEP Baleh beoperasyen penuh ba taun 2026 ila, Sarawak deka ngembuan kuasa ke chukup dikena ngisi peminta enggau guna bekal elekterik, lebuh nengeri tu nyapai juluk ati ti deka nyadi nengeri ke bepemisi tinggi ba taun 2030.
HEP Baleh deka besaup enggau kuasa hidro Sarawak ke bukaibaka Batang Ai,
Murum enggau Bakun ngenegapka aspirasyen Sarawak ngambika nyadi pengeluar kuasa elekterik ke pemadu besai.
Berindik ari tu, Rundi madahka HEP Baleh chukup beguna nyamin pemisi kuasa tu dikena ngemansangka Sarawak.
“Pelaba aku, taja pan kitai ngembuan bekal kuasa ke chukup diatu, tang kitai patut merambu sereta nyendiaka nama pekara ke udah bisi diatu ungkup dudi hari ila.
“Pengurang bekal kuasa, endang nyadi penanggul ke besai ngagai sekeda pemansang menua ke bukai, lalu kami enggaika pekara tu nyadi ba Sarawak.
“Sukung enggau kerejasama ari peranak menua Baleh enggau Kapit mega chukup beguna kena nentuka pemujur projek ke besai baka tu.
“Senentang tu, kami patut meri terima kasih ngagai peranak Baleh enggau Kapit ketegal sukung sida,” ku iya.
Kelimpah ari nya, Hamed madahka HEP Baleh tu endang projek ti deka meri pemaik ngagai serata Sarawak dalam timpuh ke panjai.
“Kami enggau naka ulih nentuka projek tu dipejalaika enggau lanchar taja pan napi penanggul baka pandemik COVID-19 sereta ke bukai.
“Kami mega begunaka sukung ari semua raban ke beguna, dikena nentuka projek tu dipejalaika enggau manah,” ku iya.
Berebak enggau nya, Concrete Faced Rockfill (CFR) ke ngembuan peninggi 188 meter iya nya siti ari projek infrastruktur ke pemadu besai ba Sarawak, ti bepalan ba Sungai Baleh urung 105 kilometer ke ulu ti betampung enggau Sungai Rejang di Kapit.
Tu mega HEP ke pemadu besai digaga Sarawak Energy sereta deka ngasilka 1,285 megawatt kuasa elekterik ngagai grid pengudah tu beoperasyen penuh ba taun 2026 ila.