Nadai kes baru positif COVID-19 di Sarawak kemari

KUCHING: Sarawak kemari nadai ngerikodka kes baru positif COVID-19, ti nyadika penyampau kes mengkang 701 kes.

Komiti Mutarka Penusah Ngenyit Nengeri Sarawak (JPBNS) madah, semina siti kluster COVID-19 ti agi aktif iya nya Kluster Alam di Bintulu.

“Kes Kluster Alam mengkang lapan kes enggau semua kes udah gerai lalu dikemendar pansut ari sepital.

“Pia mega nadai kes baru ti udah gerai lalu dikemendar pansut ari sepital sehari tu (kemari), ti nyadika semua kes positif COVID-19 ti udah gerai lalu dikemendar pansut ari sepital mengkang 680 iku tauka 97.00 peratus,” ku penerang media JPBNS kemari.

JPBNS nambah, penyampau kes ti agi diperubat lalu diengkah ba wad isolasyen iya nya dua iku iya nya bela siti kes ba wad isolasyen di Sepital Sibu enggau Sepital Sungai Buloh, Selangor.

“Nadai kes COVID-19 ti diperubat ba Unit Rawatan Rapi (ICU) sehari tu (kemari).

“Beserimbai enggau nya bisi siti kes ti diripotka di Sandakan, Sabah ti udah diperubat ba Sepital Bintulu,” ku penerang nya.

Nitih ku JPBNS, penyampau kes mati mengkang 19 iku tauka 2.71 peratus.

“Sehari tu (Kemari) bisi empat kes orang dipelaba (PUI) baru diripot lalu nadai PUI ti nganti pemutus makmal,” ku iya.

Kelimpah ari nya, JPBNS madahka, bisi 10 iku agi dikemata (PUS) udah ngerejista masuk ke hotel lalu kena kuarantin kemari.

Tu nyadika penyampau semua PUS di 11 buah hotel iya nya bisi 574 iku lalu bisi 24,177 PUS udah tembu timpuh kuarantin.

Bekaul pengawa matau tikas pengasi Atur Nagang Pemindah Mulaika Pemanah (PKPP), bisi 14 notis kompaun dipansutka ba Kuching (13) lalu ba Kota Samarahan (1) laban ti enda nitihka Garis Lalau (SOP).

Ku penerang nya agi, raban Opis Menteri Kaunsil Kandang Menua udah ngemansutka 117 jaku tangkan dipadahka terus, dipansutka notis enggau sitaan ba kandang menua dipegai Opis Kaunsil Pelilih Marudi (30), Dewan Bandaraya Kuching Utara (21), Kaunsil Pemansang Bintulu (21), Opis Kaunsil Mengeri Sibu (18), Opis Kaunsil Pelilih Meradong enggau Julau (lapan), Opis Kaunsil Pelilih Daro Matu (tujuh), Opis Kaunsil Pelilih Serian (lima), Majlis Bandaraya Kuching Selatan (empat) sereta Opis Kaunsil Mengeri Miri (tiga).

Berindik ari nya, Polis Sarawak deka terus neritka SOP nyengkaum ngena sengkabung idung enggau mulut ba palan mensia mayuh.

Kemari, nitih ku JPBNS, bisi 1,310 premis udah diperesa ti ngaul palan bebelika barang, kilang, bank, opis perintah, pedagang, pasar tamu mensia mayuh, palan besembiang, palan rekreasyen, taba begunan enggau ke bukai.

Enam pengawa ngempang jalai alun bisi dipejalai ba lima pelilih menua iya nya Lundu, Bau, Serian, Sri Aman enggau Lubok Antu lalu bisi 607 buah perengka pengangkut udah diperesa.

” Datuk Patinggi Abang Johari Tun Openg

Kepala Menteri

Ba awak ke sama, iya deka duit turu tu ila ulih diguna memanah kena ngaga filem pandak ti bepelasarka budaya nengeri Sarawak ti mungkur pengelandik nembiak kandang menua tu.

“Kitai udah bisi televisyen kediri empu, enggau nengah nya kitai ulih mandangka filem pandak kitai ke serata menua enggau dunya laban televisyen kitai dipanchar terus ngena satelit,” ku iya.

Abang Johari madah munyi nya lebuh bejaku ba pengerami makai malam ke diatur SABERKAS beserimbai Aum Tiga Taun Sekali Ke-16 ke diatur ditu malam Hari Enam empai lama.

“Ba bidang pemerindang, kitai bisi Dayang Nurfaizah, bidang melakun bisi Henry Golding, ke (indai iya) asal ari Betang enggau siku agi anak seni ari Sibu ke diatu regas dalam industri filem di Hong Kong,” ku iya.

Pia mega ku iya, Sarawak udah nempa kumang ke bulih gelar Miss World Malaysia (Ratu Cantik Dunia kena 2018) iya nya Larissa Ping lalu ke pemadu baru diatu, Francisca Luhong ke menang Miss Universe Malaysia 2020 enggau sebedau tu, Dewi Liana Seriesta menang bepekit Miss World Malaysia 2014 ti mega menang kategori pengelanik ba pekit renggat dunya.

Tu ku iya, mandangka Sarawak enda kala kurang ba pengelandik seni enggau budaya.

Berebak enggau nya, Abang

Johari meri pengaga ati ngagai presiden SABERKAS, Datuk Abdul Karim Rahman Hamzah dipilih enggau dichiri baru megai gerempung nya, sereta pechaya SABERKAS dipegai ba ‘orang’ ke engkeman ti ulih ngemansangka lalu mai kuing nembiak di nengeri tu ba tikas ti ulih dikemegahka.

Ba pengerami nya, Abang Johari bisi nyuaka Skim Kredit Mikro Sarawak (SKMS)sepenyampauRM11, 931,000 juta ngagai 336 iku penerima ba baruh Bank Agri sereta RM2,535,000 juta agi ba baruh atur Kaunsil Pemansang Ekonomi Sarawak (SEDC) ungkup 93 penerima enggau Skim Pinjau Industri Mit enggau Jelan Pemesai (SPIKS), mega baruh SEDC sepenyampau RM23,359,000 juta ungkup 278 penerima.

Iya bisi nyuaka duit turu ungkup Program Orang Dagang Teknikal enggau Vokasional (USTEV) sereta Graduan Ke Arah Keusahawanan (GERAK) sepenyampau RM3,197,000 ti mungkur 188 iku pesereta lalu Program Ngangkatka Orang Dagang Bumiputera (PUTERA) sepenyampau RM23,0889,000 ti ngaul 6,050 iku pesereta ari raban nembiak di selampur nengeri.

Dulu agi ari tu, Abdul Karim ke mega Menteri Dagang Temuai, Seni enggau Main Asal, Nembiak Lumba enggau Main ba jaku iya maya pengerami nya madah gerempung nya ba aum kilah pagi (Hari Enam empai lama) netapka pematut ungkup raban SABERKAS ti dichiri nyadi komiti eksekutif iya nya entara 16 nyentuk 40 taun.

“Kami udah mutuska dalam aum (kena Hari Enam) lalu kami beratika sida (kaban) deka meda exco nya ari raban nembiak.

“Nya alai, ba raban exco kami deka nitihka garis lalau perintah, iya nya netapka raban nembiak ke beumur 40 taun ke baruh.

“Pekara tu udah disetuju ba dalam aum besai enggau kami patut nitih sereta madahka ngagai ROS (Pengerejista Gerempung),” ku iya seraya nambah nengah ubah penetap ba umur, nyadi SABERKAS ba singkang ke sama enggau begulai nembiak ti sama umur di serata menua enggau dunya.

Ba jaku iya, Karim bisi ngungkupka RM5,000 ngagai semua pampang SABERKAS ti berejista di nengeri tu ngambi sida ulih ngatur aum nyengkaum aktiviti enggau lanchar.

“Kelimpah agih tu, kita (pampang SABERKAS) mega ulih minta duit turu ari ‘pengari rayat’ diri empu. Tu kena pemansang nembiak ba pelilih menua sida empu,” ku iya.

Sama bisi datai ba pengerami tu iya nya Menteri Muda Dagang Antarabansa enggau Industri, Terminal Industri enggau Pemansang Orang Dagang Datuk Mohd Naroden Majais, Menteri Muda Dagang Temuai, Seni enggau Main Asal, Datuk Sebastian ting sereta Menteri Muda Utiliti (Elekterik Menua Pesisir) Datuk Liwan Lagang.