Perintah British meri basa ngagai niang Awang Raweng
Basa nya dikenataika Kapten Raban Penyanding Penemu Ngetanka Menua Komisioner Tinggi British ke Malaysia
“
Ratu Elizabeth II kala betemu enggau Datuk Awang ba sekeda pengerami lalu ba Perintah British, kami ngenataika penyinu ati ngagai siku soldadu ke pemadu berani ti udah mayuh ngereja pengawa manah ba taun 1951 lebuh iya
” ke diberi gela Pingat George Cross.
KUCHING: Perintah British ari bawah pegai Ratu Elizabeth II meri basa ke penudi sereta ngenataika pesan penyinu ati ngagai niang bujang berani menua, Datuk Sarjan (B) Awang Raweng.
Basa ke penudi enggau pesan penyinu ati nya dikenataika Kapten Raban Penyanding Penemu Ngetanka Menua Komisioner Tinggi British ke Malaysia, Simon Hindmarsh sebedau pengawa nguburka niang ba Pendam Bujang Berani kemari.
Hindmarsh lebuh dikerandau madah, iya berumban ari Semenanjung Malaysia ke Sarawak pengudah nemu berita sentang pemidang Awang Raweng ensanus, ngambika meri basa ke penudi ari iya empu sereta ngarika Ratu Elizabeth II.
“Ratu Elizabeth II kala betemu enggau Datuk Awang ba sekeda pengerami lalu ba
Perintah British, kami ngenataika penyinu ati ngagai siku soldadu ke pemadu berani ti udah mayuh ngereja pengawa manah ba taun 1951 lebuh iya ke diberi gela Pingat George
Kapten Raban Penyanding Penemu Ngetanka Menua Komisioner Tinggi British ke Malaysia
Cross.
“Pingat George Cross nya basa kedua tetinggi ke diberi ngagai raban soldadu ti gawa enggau Raban Soldadu DiRaja Ratu Elizabeth II.
“Pingat nya enda chunto pemerani ke ngelui ari orang bukai baka ke dipeda kitai ba Awang Raweng dalam taun 1951,” ku iya.
Ditanya sentang bantu bukai ti diberi Perintah British
ngagai penerima Pingat George Cross, Hindmarsh madahka niang Awang Raweng nerima elawin ninting taun enggau utai bukai ke patut ungkup sesiku soldadu lebuh sida udah pinchin.
Taja pia ku iya, sekalika bantu nya agi diberi tauka enda pengudah iya nadai, nya iya enda nemu.
“Tu siti basa ba aku ke bisi ditu sehari tu (kemari) ngarika Perintah Bristih ba pengawa tu.
“Sekali agi ngarika Perintah Bristih, aku ngenataika pesan sinu ati ngagai sida niang enggau terima kasih ngagai pengawa manah ti udah dikereja niang maya agi gawa kelia,” ku iya.
Berebak enggau nya Panglima Medan Timur Soldadu Darat Leftenan Jeneral Datuk Mohd Zakaria Yadi ngarika Angkatan Tentera Malaysia (ATM) sama ngenataika penyinu ati ngagai sida niang sebilik.
“Ngarika ATM, aku ngenataika penyinu ati ngagai sida niang sebilik sereta meri terima kasih ngagai pengawa manah ti u dah dikereja niang ngagai menua.
“Nya alai, taja pan pengawa tu enda besai tang diatur penuh enggau adat soldadu baka ke diberi ngagai bujang berani menua ke bukai,” ku iya.
Simon Hindmarsh