Bekerejasama ngambika chalun ulih menang ba PRN12
Kerejasama enggau pemereti ati ba raban komponen GPS endang chukup beguna ngambika bela besemekih, bulih pemujur
“
Begempung sereta besemekih nandaka penyerakup dalam siti ruang bilik, nya alai kitai dalam GPS nyadi siti
” ruang bilik.
SIBU: Semua komponen Gabungan Parti Sarawak (GPS) ditu patut meri kerejasama enggau pangan diri kena nentuka pemujur ngagai semua chalun ti bediri minta pilih ba Pengawa Bepilih Nengeri Ke-12 (PRN12) tu ila.
Chairman Parti Sa’Ati Rakyat Sarawak (SUPP) Pampang Nangka Benson Chua madah, kerejasama enggau pemereti ati entara raban komponen GPS endang chukup beguna ngambika bela besemekih sereta bulih pemujur.
“Begempung sereta besemekih nandaka penyerakup dalam siti ruang bilik, nya alai kitai dalam GPS nyadi siti ruang bilik.
“PRN12 deka diatur enda lama agi, semua komponen GPS patut meri kerejasama enggau pangan diri kena ngerampas kerusi ari raban
Chairman Parti Sa’Ati Rakyat Sarawak Pampang Nangka
penyakal lalu ngetanka kerusi Kunsil Nengeri (DUN) Nangka enggau majoriti ti besai agi.
“Kitai mesti ngereja pengawa enggau pengambis manah kena mantu ADUN Nangka Dr Annuar Rapa’ee dalam PRN12 ti deka datai. Kitai mesti nentuka mayuh agi raban pengundi ti bebansa China ngagai iya,” ku iya lebuh belicha ba Festival Ngintu Kuih Bulan ba sebuah restoran ditu, malam kilah ensanus.
Pengerami ti diatur SUPP
Pampang Nangka tu mega meri insentif pelajar ngagai empat iku nembiak sekula ti udah bulih pemutus ke manah ba pengawa peresa empai lama.
Berebak enggau tu, Chairman SUPP Pampang Dudong Wong Ching Yong madahka kededua SUPP enggau Parti Pesaka Bumiputera Bersatu (PBB) kala bekerejasama enggau manah sebedau tu.
“GPS ngembuan empat parti komponen iya nya PBB, SUPP, Parti Rakyat Sarawak (PRS) enggau Parti Progresif
Demokratik (PDP).
“Ari semua parti komponen tu, peneleba enggau kaul entara PBB enggau SUPP ti pemadu lama. Nya alai kerejasama enggau penyerakup entara empat komponen GPS tu chukup beguna,” ku iya.
Kelimpah ari nya, Sekretari
PBB Pampang Nangka Abang Amir Abang Latip ti bisi datai enggau ngarika Dr Annuar ba program tu, minta kerejasama nya ulih diteruska sereta ditegapka agi.
“Kerejasama tu patut diteruska lalu generasyen baru patut nitihka nama ti udah digaga ketuai ke suba. Aku arap PRN12 ti deka datai tu ila, SUPP Pampang Nangka ulih meri kerejasama ke penuh ngagai kami,” ku Abang Amir.
Sama bisi iya nya Chairman SUPP Pampang Pelawan Clarence Ting, Ketua i Raban Nembiak SUPP Pampang Bukit Assek Kunsilor Joseph Chieng, Sapit Presiden II SUPP ke mega Chairman SUPP Pampang Bukit Assek Dato Chieng Buong Toon enggau Jason Tay ti ngarika Chairman SUPP Pampang Bawang Assan Senator Robert Lau.
Benson Chua