#MyMudah kelai perintah komited mulaika pemanah ekonomi menua
KUCHING: Malaysia Mudah tauka #MyMudah ditumbuh sereta dipenyadi ti ngayanka perintah chukup komited mulaika pemanah ekonomi enggau mantu pengemeran industri lebih agi maya betapi krisis pandemik COVID-19.
Sapit Kepala Menteri, Datuk Amar Awang Tengah Ali Hasan madahka, #MyMudah iya nya siti inisiatif non-fiscal ti nyukung mulaika pemanah ekonomi ngena chara ngurangka tating penusah ti nanggul penumbuh tauka pemansang pengawa dagang maya benung betapi krisi COVID-19.
“Objektif besai #MyMudah kena mantu industri enggau pengemeran pengawa dagang ditinggang tating penusah atur ke enda patut enggau kena ngurangka ungkus bejalaika pengawa dagang.
“Tuju bejalaika #MyMudah kena mantu indusri enggau orang dagang ari tusah ketegal ditinggang atur ti enda patut enggau ngurangka ungkus bejalaika dagang.
“Inisiatif tu mega kena nyapai 25 peratus tauka sama enggau RM10 bilion ungkus bejalaika pengawa ari opis menteri enggau perintah nengeri nyengkaum ngurangka pemayuh prosedur enggau timpuh proses ti dikena ba renggat industri enggau dagang,” ku iya.
Awang Tengah ti mega Menteri Dagang Antarabansa enggau Industri, Terminal Industri enggau Pemansang Orang Dagang madahka pekara maya Keynote Address enggau Bejadi Sarawak Productive #MyMudah, ti diatur Perbadanan Produktiviti Malaysia (MPC) ngena chara virtual, kemari.
Iya bejadika nya ngarika Kepala Menteri Datuk Patinggi Abang Johari Tun Openg.
Bejaku baru, Awang Tengah madah baka ti dipadahka beberapa isu ti nyadi bisi diputarka ari baru inisitiah #MyMudah.
“Kami dipadahka entara isu ti nyadi diputarka ari baruh inisiatif #MyMudah baka, ngeluarka permit eksport ungkup produk floriculture enggau pemakai ke udah diproses.
“Ngeluarka ‘Clearance Letter’ ulih Ejensi Teknikal bekaul enggau Certificate of Completation and Compliance (CCC); Poultry licence issues related to the construction of modern (closed) poultry farming enggau Relaxation of Regulatory requirements for Licensed operators,” ku iya.
Dulu ari nya Awang tengah madahka Perintah Sarawak kena 6 Mei 2020 numbuhka Majlis Tindakan Ekonomi Sarawak (SEAC) kena ngenyenangka Post-COVID19 Recovery ba nengeri tu ti mekuh ngagai 10 pekara.
Perintah Sarawak deka ulih enggau lengkas nitihka pemansang dalama Transformasyen Digital enggau Inovesyen ba taun ke deka datai ti nyadi sebagi ari inisiatif ke dikerembai tauka dikemansangka nengah SEAC.
Tu deka nyungkakka ekonomi ti ulih besemekih sereta nyadika Sarawak palan alai beranakka puku ti manah di menua tu, ku iya.
“Dalam timpuh ti sama Perintah Sarawak mega ngemeranka ekosistem enggau polisi kemerah dagang ti ulih meransang enggau ngelakuka pengawa beranakka puku kualiti baru enggau ba semua sektor ekonomi di Sarawak,” ku iya.
Nambahka nya Awang Tengah ngarapka sesi bekunsi bekaul enggau penyulut insiatif #MyMudah deka meri penerang ngagai pesereta pasal peluang besai ti disediaka perintah dikena mantu industri maya betapi enggau penanggul.
Sama ngulu pengawa bejadi #MyMudah ti dipejalaika ngena chara virtual iya nya Menteri Muda Dagang Antarabansa enggaun Industri, Terminal Industri enggau Pemansang Orang Dagang Datuk Mohd Naroden Majais enggau Datuk Malcolm Mussen Lamoh, Ketua Pengarah MPC Datuk Abdul Latif Abu Seman, Direktor MPC Sarawak Sarimah Misman enggau sida ke bukai.