KM: Langgur deka bisi kompeni penerebai kediri empu agi diserenih
Perintah Sarawak mengkang ngiga chara ke pemadu manah kena numbuhka kompeni penerebai kediri empu
“
Aku setuju enggau langgur penemu ari Faderasyen Dagang Sarawak (SBF) ke alai kitai patut bisi penerebai kediri ngambika ulih ngagai palan ke strategik, ambika chunto baka Hong Kong, Jepun, Australia ngambika kitai ulih mai bala
” temuai ke Sarawak.
KUCHING: Perintah Sarawak agi ngiga chara ke pemadu manah bekaul enggau juluk ati deka bisi kompeni penerebai kediri empu.
Kepala Menteri Datuk Patinggi Abang Johari Tun Openg madah, langgur penemu deka bisi kompeni penerebai kediri empu nya kala dibantaika.
“Aku setuju enggau langgur penemu ari Faderasyen Dagang Sarawak (SBF) ke alai kitai patut bisi kompeni penerebai kediri ngambika ulih ngagai palan ke strategik, ambika chunto baka Hong Kong, Jepun, Australia ngambika kitai ulih mai bala temuai ke Sarawak.
“Kami agi nyerenih chara ke pemadu engkeman, engka ukai ari baruh perintah negeri magang tang begulai enggau sektor peribit,” ku iya.
Iya bejaku munyi nya nyaut tanya ari Sekretari Besai SBF, Jonathan Chai maya sesi randau begulai enggau
Datuk Patinggi Abang Johari Tun Openg
Kepala Menteri
komuniti dagang di negeri tu ke diatur nengah platform webinar, kemari.
Sesi randau webinar nya diatur SBF bepelasarka pekara bekaul enggau Bajet Sarawak 2021: “Ke Arah Masyarakat Berpendapatan Tinggi 2030”.
Ditanya sekalika perintah nengeri bisi perambu numbuhka terminal penerebai tambang murah (LCCT) ditu, Abang Johari madahka pekara nya kala diperambu tang lalu nadai pemutus.
“Aku nemu bepelasarka statistik ti dikemisika kitai diatu, Padang Bilun Antarabansa Kuching (LTAK) kitai sekut.
“Dalam beberapa taun ke deka datai, padang bilun nya enda ulih agi nerima penyampau temuai ke enggau bilun ke mayuh.
“Reti nya, kitai mesti bisi perambu diatu.Ba runding aku, kelalu tumu mantaika asil penemu ke dikemisika kami diatu.
“Taja pia, kami endang merambu deka bisi padang bilun ke besai agi kena nangkup penyampau bilun enggau penatai temuai pengudah pandemik COVID-19,” ku iya.