Langgur penemu minta numbuhka Opis Kunsil Pelilih Menua ba Telang Usan patut diperundingka
MIRI: Siti langgur penemu numbuhka Opis Kunsil Pelilih Menua Telang Usan kena meri servis perintah nengeri ngagai manah agi ngagai rayat udah dikenataika.
Kaban Kunsil Nengeri Telang Usan, Dennis Ngau madahka perintah nengeri mesti berundingka pematut numbuhka Opis Kunsil Pelilih Telang Usan berindik agi gaya rampa menua.
“Diatu Telang Usan ari baruh pegai Opis Kunsil Pelilih Marudi lalu ketegal sitak nya besai, mar Tuai Opis Kunsil enggau Kunsilor untuk nyaga sereta matau utai ti dikedeka ke rayat,” ku iya madah ngagai Utusan Borneo kemari.
Ku Dennis, laban Opis Kunsil Pelilih Menua ba Pasar Marudi, mar deka meri servis perintah nengeri ngambika diasai peranak di ulu entigis.
“Tu beguna ba peranak ditu ke deka ngaduka pengawa enggau perintah lalu nya mih kebuah anang kelalu terit ba atur kena numbuhka Opis Kunsil,” ku iya.
Dennis nerangka, perambu nya udah dikenataika pemesai kunsil ngagai Opis Kaunsil Kandang Menua enggau Pengawa Berumah Sarawak ke tau nyadi Chairman Kunsil nya.
“Kami deka meri servis ke pemadu manah ngagai rayat, kami enggaika sida merinsa ketegal jauh enggau ungkus perengka pengangkut, nya alai kitai patut beratka rayat,” ku iya.
Ku Dennis baru, nengah pemisi Opis Kunsil Pelilih Telang Usan, nya deka ngembuan struktur ngatur pengawa enggau teatur agi ti betuaika chairman, Kunsilor ngena ungkup belanja perintah kena ngaga pemansang.
Berebak enggau nya, Dennis mega udah minta perintah nengeri ngaga rumah jelan iya ungkus enggau ungkus tinggi ba aum DUN tu tadi.
“Kami komited ngaga Pasar Long Lama nyadi sebuah pasar lalu nentuka semua perengkaguna nyengkaum rumah ungkus murah disediaka ungkup peranak ditu,” ku iya.