Utusan Borneo (Sarawak)

RM413,378.17 dadah dirampas dalam bulan Oktober 2020 di serata Sarawak

- Sarawak · Kyrgyzstan · Malaysia · Asian Development Bank

KUCHING: Sepenyampa­u 20,138.82 gram (gm)(tauka 20.13 kilogram (kg) bemacham bansa dadah enggau bisi 432 igi dadah bansa pil dirampas lalu penyampau semua ke dirampas dipelaba berega RM413,378.17 dalam bulan Oktober 2020 di serata Sarawak.

Menteri Pengintu Pengelanta­ng Pendiau, Pengelanta­ng Raban Bansa, Orang Indu, Ruang Bilik enggau Pemansang Nembiak Mit, Dato Sri Fatimah Abdullah madah, semua nya dirampas Opis Mansik Pengawa Jai Narkotik (JSJN), PDRM Sarawak enggau Opis Kastam DiRaja Malaysia Sarawak.

“Dalam timpuh 1 ngagai 30 Oktober 2020,sepenyampa­u 20,138.82 gm(tauka 20.13 kg) bemacham bansa dadah dirampas. Tu nyengkaum dadah bansa baka daun ketum ke sepenyampa­u15,000 gm (tauka 15kg); 3,023.15 gm (3.0 kg) ganja; 304.34 gm(0.3 kg) syabu/methamphet­amine; 278.47 gm(0.27 kg) ketamis enggau 1,532.68 gm repu estasy.

“Penyampau dadah ti dirampas ke dirikod ngayanka penurun 46.89 peratus enti dibandingk­a enggau bulan September 2020 (37.9 kg).

“Dadah bansa pil sepenyampa­u 432 igi udah dirampas di Sarawak. Ari penyampau nya 32 igi iya nya pil Eramin, 166 igi pil ecstasy enggau 208 igi iya nya Nospan,” ku iya ba aum pengarang berita ‘Laporan Berkala One Stop Committee Menangani Isu Dadah Dan Substance (OSC MIDS)’ ungkup Bulan Oktober 2020 ti diatur ba Bilik Media KWPKP Begunan Baitulmakm­ur 2 ditu, kemari.

“Penyampau semua ke dirampas dipelabaka berega RM413,378.17,” ku iya ti ngeripotka penyulut MIDS dalam Bulan Oktober 2020.

Iya madah, dikena mutarka isu dadah enggau substance di Sarawak, OSC MIDS Nengeri majak mekuh ngagai pengawa bejalaika eksyen enggau intervensy­en sekalika nengah bejalaika pengawa neritaka adat tauka ukai neritaka adat.

Lebuh ti ngenang bekaul enggau neritka adat, iya madah, dalam timpuh 1 ngagai 30 Oktober 2020, Sarawak ngerikodka 692 iti kes ti mungkur 742 nangkap bekaul enggau penerit adat, aktiviti salah nguna dadah enggau substance asil ari 758 operasyen ti dipejalaik­a JSJN, PDRM Sarawak, Agensi Anti Dadah Kebangsaan (AADK) Sarawak enggau Opis Kastam DiRaja Malaysia.

“Penyampau kes ti dirikod ngayanka penurun sepenyampa­u 27.51 peratus dibandingk­a enggau bulan September 2020 (1,087 kes),” ku iya.

Nambahka nya, lebuh ti ngenang Kategori Kes Bekal Dadah, iya madahka bisi 22 kes ti mungkur 43 pengawa nangkap, iya nya penyalah mekal enggau nyadung dadah enggau substance.

Ari penyampau nya ku iya, bisi enam kes mungkur semilan ke ditangkap ari baruh Seksyen 39B Akta Dadah Berbahaya 1952, lalu enti ditemu salah ulih ditinggang ukum gantung sampai mati tauka ukum jil seumur idup enggau sipat enda lebih 15 kali.

Kategori Kes Ngempu ku iya, bisi 111 kes ti mungkur 146 ditangkap laban ti salah ngembuan dadah enggau substance.

“Kategori Kes Positif Urin, bekaul enggau penyalah tu ari baruh Seksyen 15(1)(a), Akta Dadah Berbahaya (ADB) 1952, bisi 559 kes ti mungkur 553 iku ditangkap udah dirikotka di Sarawak.

“Penyampau ke ditangkap sereta dirikod ngayanka penurun (4.63 peratus) dibandingk­a enggau bulan September 2020 (778 iku ditangkap).

“Lalu ari baruh Akta Penagih Dadah (Ngubat enggau Mulaika Pemanah Ulah ) 1983 (Ubah1998), Sarawak ngerikodka 96 kes ti mungkur 235 iku ditangkap asil ari 60 operasyen ti dipejalaik­a AADK Sarawak,” ku iya.

Kelimpah ari nya, lebuh ti ngenang Orang Ke Dikemata (OKP), iya madahka naka 30 Oktober 2020 bisi 1,904 OKP ti dipatau AADK ba Sarawak.

Penyampau OKP ti dirikodka ngayanka penurun (3.2 peratus) dibandingk­a enggau bulan September 2020 (1,967 kes).

“Ari penyampau OKP nya, peratus ti mujur ngetanka tikas mulaika pemanah ulah sida nitihka sesi perubat enggau gerai ari dadah dalam bulan Oktober 2020 iya nya 84.4 peratus,” ku iya.

Sama bisi ba aum pengarang berita nya kemari, Menteri Muda Pengelanta­ng Pendiau Raban Bansa Datuk Francis Harden Hollis, Menteri Muda Orang Indu, Ruang Bilik enggau Pemansang Nembiak Mit Datuk Rosey Yunus enggau sida ke bukai.

 ?? Gambar Roystein Emmor ?? RIPOT BEKAUL ENGGAU DADAH: Fatimah ngayanka Lalau Ngintu OSC MIDS Renggat Nengeri Sarawak enggau Renggat Pelilih Menua Di Sarawak pengudah aum pengarang berita ‘Laporan Berkala One Stop Committee Menangani Isu Dadah Dan Substance (OSC MIDS)’ ungkup bulan Oktober 2020, seraya disempulan­g Rosey (kiba) enggau Harden (kanan), kemari.—
Gambar Roystein Emmor RIPOT BEKAUL ENGGAU DADAH: Fatimah ngayanka Lalau Ngintu OSC MIDS Renggat Nengeri Sarawak enggau Renggat Pelilih Menua Di Sarawak pengudah aum pengarang berita ‘Laporan Berkala One Stop Committee Menangani Isu Dadah Dan Substance (OSC MIDS)’ ungkup bulan Oktober 2020, seraya disempulan­g Rosey (kiba) enggau Harden (kanan), kemari.—

Newspapers in Malay

Newspapers from Malaysia