Utusan Borneo (Sarawak)

PMC ulih mantu KKR ngenyampat­ka kereja ngaga projek Jalai Besai Pan Borneo

- Fadillah Yusof · Sabah · Sarawak · Dewan Rakyat · KKR Financial

KUCHING:MenteriKan­an Kereja Raya (KKR), Datuk Seri Fadillah Yusof madah KKR deka ngenyampat­ka pengawa ngaga projek Jalai Besai Pan Borneo ngena chara nyiri ‘Project Management Consultant’ (PMC).

Iya madahka PMC nya deka mantu Opis Kereja Raya (JKR) Sabah enggau Sarawak bejalaika projek nya.

Taja pia ku iya, pengawa nyiri PMC tu agi ba renggat diperundin­g sereta nganti pemutus ari Opis Menteri Wang.

Iya madahka Perambu Belanja 2021 (Belanjawan 2021) ngayanka komitmen perintah neruska pengawa ngaga projek Lebuhraya Pan Borneo Sabah enggau Sarawak.

Nitih ku iya, pengawa bejalaika tauka ngaga projek Jalai Besai Pan Borneo nya sebagi ari penyungkak pemansang sektor sosioekono­mi, industri enggau pengawa beranakka puku ba sepemanjai projek nya.

“Tampung projek tu mega deka nyamin enggau nentuka peluang kereja ngagai peranak ba kandang menua nya kelebih agi dalam gaya ekonomi ti kena empas ketegal pandemik COVID-19.

“Tu mega kebendar ngayanka komitmen perintah dalam ngenukuka rayat Sabah enggau Sarawak ulih ngasaika infrastruk­tur ti lebih manah jemah ila,” ku iya lebuh ti bejaku maya Nutup Jurai Perbekalan 2021, ba Dewan Rakyat, kemari.

Fadillah mega madahka projek jematan Sungai Limbang, Jalai Lawas-Merapok entara 52 iti projek baru ti udah dikemendar­ka ti deka digaga taun baru.

Iya madahka projek jematan Sungai Limbang, Jalai Lawas-Merapok berega RM115 juta.

KKR ku iya komited nentuka alai ba semua nengeri diintu enggau manah.

Ku iya, nya nyengkaum jalai perintah besai di Sabah enggau Sarawak.

Newspapers in Malay

Newspapers from Malaysia