Utusan Borneo (Sarawak)

Pengekspor­t ari Sarawak dilalau ngena memanah bantu PASS

Skim ti dilanchark­an Statos tu meri nyentuk SGD10,000 ngagai pengekspor­t ti patut nerima ungkup tetiap kompeni di Sarawak

- E-commerce · Finance · Business · Sarawak · Singapore · Financial Technology

Geran tu mantu pengekspor­t nyual produk enggau servis sida ke Singapura, ari renggat ngelabel enggau mungkus nyentuk ke ngagai iklan enggau

” pengawa ngelaku.

KUCHING: Pengekspor­t ari Sarawak patut ngena memanah Skim Bantu Promosyen (PASS) ari Opis Dagang Temuai enggau Dagang Sarawak (Statos) kena ngulihka bantu belanja nyentuk dollar Singapura (SGD) 10,000 setaun.

Chairman Statos,Tan Sri Mohamad Morshidi Abdul Ghani madahka PASS nya insentif perintah Sarawak ti meri geran ke setipak nengah chara dibayar pulai kena mantu kompeni pengekspor­t nampung ungkus aktiviti meri chap,ngelaku enggau

Chairman Statos

dagang strategik sida.

“Skimtidila­ncharkanSt­atos tu meri nyentuk SGD10,000 ngagai pengekspor­t ti patut nerima di Sarawak ke alai penyampau nya deka diterima sekali setaun ungkup tetiap kompeni.

“Geran tu mantu pengekspor­t nyual produk enggau servis sida ke Singapura, ari renggat ngelabel enggau mungkus nyentuk ke ngagai iklan enggau pengawa ngelaku,’’ ku iya nengah penerang media kena Hari Satu tu tadi.

Ku Morshidi, nitihka pansik, orang dagang nengeri tu engka kurang penemu sentang peluang enggau chara ngerembus makit dagang antarabans­a.

“Nengah pemisi insentif PASS, nya deka mantu bala orang dahang ngerembus makit dagang Singapura, sereta nempa pengandal enggau peneleba ngagai industri mit enggau jelan pemesai (PKS) bejalaika dagang baru ti naadi tatak,” ku iya.

Pengawa tu ku iya, setipak enggau pinta Kepala Menteri Datuk Patinggi Abang Johari Tun Openg ba pun bulan Oktober tu tadi, kena ngajar orang dagang nengeri tu ngerembus markit eksport antarabans­a ngena servis Statos.

“Nengah sukung penuh ari Perintah Sarawak, Statos nyadi hab komunikasy­en rantau tu entara komuniti dagang di Sarawak enggau Singapura sereta pengeremba­i ekonomi ti signifikan,”ku iya.

Berebak enggau nya, Ketuai Pemesai Eksekutif Statos Chew Chang Guan madahka nya beguna amat ngagai pengekspor­t Sarawak ti bisi potensial ngerembus makit dagang di Singapura nengah chap ke pemadu manah, tungkus ti manah, produk profesiona­l enggau bekualiti tinggi sereta produk ti disahka.

“Statos deka bekerejasa­ma enggau dagang ke berejista ti bantu ba ungkus iklan, nungkus ngelabel, demonstras­yen produk, mandangka pemakai tauka ngemansang­ka produk ungkup makit dagang Singapura,” ku iya.

Iya pechaya Sarawak tau nyadi chara alternatif mekalka pemakai ungkup Singapura laban menua nya diatu benung ngiga kaban kunsi ari menua luar ba pekara eksport pemakai.

Enti deka minta geran PASS tauka ngulihka jaku tangkan enggau eksport ke Singapura, orang ke minta mesti betanya ngagai Statos nengah kenny.lau@statos. com.sg tauka log tama ngagai www.statos.com.sg/trade/

Tan Sri Mohamad Morshidi Abdul Ghani

Newspapers in Malay

Newspapers from Malaysia