Utusan Borneo (Sarawak)

Perintah GPS endang deka ngemansang­ka menua pesisir belama

- Gabungan Parti Sarawak

KUCHING: Pengawa perintah Gabungan Parti Sarawak (GPS) ngemansang­ka kandang menua di nengeri tu endang di pejalaika belama, ukai bemusim, pia ku Menteri Muda Pengelanta­ng Komuniti Datuk Francis Harden Hollis.

Ku iya, perintah GPS ukai baka penyakal ke semina nemu mantah tang enda nyaup rayat mutarka penanggul ke ditapi sida.

“GPS bekereja belama ke rayat, ukai bemusim lalu ukai baka penyakal ke bisi dipeda ayan,kenu ku mandangka penyiru ngagai rayat.

“Nya alai dikearapka rayat pintar ‘berati’ ni bagi intan lalu siti ni ke kacha ’ laban nya bepelasark­a rikod kereja GPS ti manah ba pengawa ngemansang­ka kandang menua di nengeri tu,” ku iya.

Iya bejaku munyi nya maya program Kimpin Pemeresi di Taman Harmoni (Dayak) Fasa 2 di Sri Aman, kena Hari

Minggu nyin tadi.

Program nya diatur Komiti Pemansang enggau Pengelikun Genturung Pendiau (JKKK) Taman Harmoni (Dayak) Fasa 2 bekerejasa­ma enggau Palan Servis Rayat Kaban Kunsil Nengeri N.32 Simanggang Sereta

Opis Kunsil Pelilih Sri Aman (MDSA).

Ngenang pasal program ny, Francis ke mega ADUN Simanggang madah, nya diatur kena ngedut kaul kelimpah nerenak penyerakup ba rayat pupu bansa di nengeri tu.

“Program tu mega dikearap ulih ngemeranka penemu pasal pemeresi rampa menua lalu nyaup kperintah ngelaban pandemik COVID-19 ngambika enda ngerampit rayat,” ku iya.

Ba program nya, Francis udah ngemendark­a agih belanja Projek Mit Pemansang Menua Pesisir (MRP) ngagai JKKK enggau Biro Indu Taman Harmoni (Dayak) Fasa 2 ke sama bela RM3,000 lalu RM5,000 khas ungkup projek meli rumah pasang siap.

 ??  ?? KE KENANG: Francis (lima kiba) begambar kenang enggau peranak Taman Harmoni (Dayak) Fasa 2.
KE KENANG: Francis (lima kiba) begambar kenang enggau peranak Taman Harmoni (Dayak) Fasa 2.

Newspapers in Malay

Newspapers from Malaysia