Raban ti betanam betupi mesti nguasa bidang teknologi
Kelebih agi dikena ngatur aktiviti betanam betupi ba skala ti besai ke lalu ulih ngangkatka penatai pemisi
“
Betanam betupi moden mekuh ngagai betanam betupi skala besai lalu mega rayat ti ngembuan penatai pemisi ti besai, tu endang nyadi juluk kebendar
” perintah nengeri.
MUKAH: Raban orang ti betanam betupi mesti nguasa bidang teknologi dalam ngatur aktiviti betanam betupiti benung dipejalaika.
Kaban Kunsil Nengeri (ADUN) Daro Safiee Ahmad madahka, betanam betupi moden diguna dalam nyambut peminta perintah nyungkak semua skala ngeluarka asil betanam betupi ke lalu mekuh ngagai rayat ti ngembuan penatai pemisi ti besai.
“Betanam betupi moden mekuh ngagai betanam betupi skala besai lalu mega rayat ti ngembuan penatai pemisi ti besai, tu endang nyadi juluk kebendar perintah nengeri,” ku iya bejaku ba Pengerami ‘Agriculture Community Outreach Programme
(AgriCOP) Renggat Lima ti diatur Opis Betanam Betupi Sarikei sereta Gerempung Orang Bumai Kandang Endur (PPK) Matu-Daro ba Balai Sri Segalang, Kampung Sebena, Meradong bedau lama ti udah.
Nitih ku iya, juluk perintah nengeri tu ukai nya semina semaya bula aja laban udah mayuh pengwa udah dipejalaika dalam nyapai juluk nya.
Entara nya meransang pengawa ngena teknologi baru dalam bejalaika aktiviti betanam betupi, perengkaguna jalai alun, ai, elekterik sereta mayuh agi perengkaguna ke bukai.
Tu semua deka mayuh nyaup raban bumai bekebun dalam asil ngeluarka produk
Safiee Ahmad
ADUN Daro
betanam betupi sida.
Tang, tetiap pengeransing mesti bisi lalu datai ari dalam sida kediri empu kelebih agi kena ngubah nasit diri enggau ruang bilik.
Iya mega minta kelebih agi raban nembiak ngaul diri sereta nguasa bidang betanam betupi.
Bisi 100 pesereta ti datai dalam pengerami nya.
Sama bisi datai iya nya Pemesai Opis Betanam Betupi Bagi Menua Sarikei Bijai Entilo enggau pengari Pemesai Opis PElilih Menua Meradong Ting Kai Siang.