Semua rayat di nengeri tu deka bulih vaksin COVID-19 enda bebayar
Baka ti udah disemaya Kepala Menteri Datuk Patinggi Abang Johari Tun Openg, ku Dr Sim
“
Menteri Besai (Tan Sri Muhyiddin Yassin) udah madah Malaysia deka bulih
” bekal vaksin nitih renggat.
Dato Sri Dr Sim Kui Hian
Menteri Kaunsil Kandang Menua enggau Pengawa Berumah
KUCHING: Tiap iku rayat nengeri tu deka bulih vaksin COVID-19 enda bebayar baka ti disemaya Kepala Menteri Datuk Patinggi Abang Johari Tun Openg.
Menteri Kaunsil Kandang Menua enggau Pengawa Berumah Dato Sri Dr Sim Kui Hian madahka Kepala menteri udah besemaya tu sereta tiap rayat nengeri tu deka bulih nya.
“Menteri Besai (Tan Sri Muhyiddin Yassin) udah madah Malaysia deka bulih bekal vaksin nitih renggat.
“Renggat keterubah dipelaba datai ba suku keterubah taun baru enggau dalam timpuh ke sama mayuh vaksin bukai diterima.
“Nama ke diguna, pakar perubat ti ngajar kitai enggau pakar perubat patut meda iya,” ku iya.
Iya madahka pekara nya lebuh dikerandau raban pengarang berita ba Pusat Dialisis Yayasan Buah Pinggang Kebangsaan (NFK) Malaysia ditu kemari.
Dulu ari nya Dr Sim ngemataka pengawa nyuaka pemeri mesian hemodialisis berenga RM40,000 ari OCBC Bank (Malaysia) Berhad ngagai Pusat Dialisis NFK Kota Samarahan.
Ensanus, Menteri Besai madahka vaksin COVID-19 deka diberi enggau enda bebayar ngagai rayat Malaysia, tang rayat menua luar deka dipinta bayar ti deka ditetapka Opis Menteri Pengerai Malaysia (KKM).
Dalam timpuh ke sama, perintah nitih ku Menteri Besai nadai perambu ngasuh vaksin tu mesti diambi sereta semina deka diberi ngagai sida ti besetuju lebih agi raban ti berisiko.
Nitih ku Muhyiddin, dalam pansik pemadu baru syarikat pemansik dunya bepalan di United Kingdom (UK), YouGov, bisi 82 peratus rayat Malaysia besedia divaksin sereta iya ngarapka penyampau nya ila ulai manggai 100 peratus.