Perintah nengeri ngemeratka pemansang semua sitak di Sarawak
Tu nyata dipeda ari program pemansang ke diasaika lalu deka dipejalai ti mungkur menua pesisir enggau ulu
LONG PILAH, Telang Usan: Tetiap kandang menua di nengeri tu endang dikemeratka dalam agenda pemansang perintah nengeri.
Menteri Muda Pekara Korporat enggau Unit Komunikasyen Mensia Mayuh Sarawak Abdullah Saidol madahka nya nyata ari program pemansang ke diasaika lalu deka dipejalai ti mungkur kandang menua pesisir enggau ulu.
Menteri Muda Pekara Korporat enggau Unit Komunikasyen Mensia Mayuh Sarawak
“Udah tentu mayuh agi pengawa ba mua kitai tang enggau pegai Kepala Menteri Datuk Patinggi Abang Johari Tun Openg, kitai pechaya nengah sukung pengari rayat ke bebendar ba sitak sida empu, kitai ulih nyapai nama aja ti dikinginka enggau progresif,” ku iya nerang.
Iya madah munyi nya lebuh ti bejadi Program Jangkauan Komuniti Pertanian (AgriCOP) kena Hari Enam ba rumah panjai Long Pilah Ulu Baram ti nyauka empat jam pejalai darat ngena perengka pengangkut 4x4 ari mengeri Miri.
Abdullah madahka, perintah nengeri udah ngayanka penegap megai sereta ngatur nengeri tu nyengkaum ngetanka pengelantang enggau penyerakup raban bansa.
Beserimbai enggau nya,
“
Udah tentu mayuh agi pengawa ba mua kitai tang enggau pegai Kepala Menteri Datuk Patinggi Abang Johari Tun Openg, kitai pechaya nengah sukung pengari rayat ke bebendar ba sitak sida empu, kitai ulih nyapai nama aja ti
” dikinginka enggau progresif.
Abdullah Saidol
rayat mesti meri sukung sereta pechaya enggau pegai perintah nengeri ngambika agenda pemansang ti dilangkar ulih nyapai batang tuju.
Kerejasama rayat nyeliahka pemambar enggau belaya tu endang berat kena ngadaka politik ti manah.
Bekaul Long Pilah, rayat udah ngasaika bekal elekterik 24 jam sereta pemansang perengkaguna baka jalai alun, balai mayuh guna, gelanggang futsal, telefon enggau sistem meresi ai.
Berati ngagai pengeraja asal di Telang Usan, iya ngansak peranak ngambika ngaul diri dalam aktiviti betanam betupi moden enggau perambu sereta kerejasama Opis Menteri Betanam Betupi Moden, Tanah Adat enggau Pemansang Kandang Menua Sarawak.
“Pengawa perintah nengeri ti ngatur AgriCOP ba selampur nengeri iya nya kena meri penemu bekaul betanam betupi moden lalu ngarap ulih mai sereta meransang rayat enggau raban nembiak rebak baru ngaul diri dalam industri tu,” ku iya nerang.
Kaban Kunsil Nengeri (ADUN) Telang Usan Dennis Ngau madah, iya andal ati enggau pemansang di Long Pilah sereta sekeda rumah panjai enggau palan pengentap baru di Telang Usan kenyau ari 2011.
Nya asil ari sukung teguh rayat Telang Usan ngagai iya ti nyadi pengari rayat sereta ari baruh pegai perintah nengeri enggau Gabungan Parti Sarawak (GPS).
“Aku deka madahka ditu kitai enggau perintah Sarawak enda milih musin ngenataika kediri, bejalaika program enggau mai projek pemansang. Bala ketuai kitai seruran bebendar berunding enggau ngelangkar chara ni pemansang ba selampur Sarawak nyengkaum kitai ba sitak DUN Telang Usan. GPS perintah ti megai tanggungpengawa lalu perintah Sarawak nadai berunding bukai kelimpah ngemansangka kandang menua enggau ekonomi peranak sereta mega semua gaya pengidup rayat kitai tu,” ku iya nyemetak.
Ba pengerami nya, Abdullah ti ngarika Kepala Menteri enggau perintah nengeri nyuaka chek sepenyampau RM1 juta deka bejalaika projek sistem tagang enggau pemansang produk dagang temuai ba Long Pilah.
Abang Johari udah ngelawa kediri empu rumah panjai nya kena 31 Oktober nyin tadi.
Iya mega nyuaka geran Projek Mit Menua Pesisir
(MRP) sepenyampau RM3,500 ngagai Komiti Pemansang enggau Pengelikun Genturung Pendiau (JKKK), RM3,500 ngagai Unit Saberkas Long Pilah.
Iya mega udah madahka agih belanja RM5,000 ungkup Gerempung Apai Indai enggau Pengajar (PIBG) Sekula Primari (SK) Long Pilah ke mega nyadi belanja pemansang tim betanda enggau main asal sekula.
Bisi lebih ari 200 iku pesereta udah ngambi bagi dalam program dua hari nya.