Perintah majak bebendar negapka sektor betanam betupi
Nya kena nentuka penatai pemisi ruang bilik nengeri tu ulih manggai ba tikas ke tinggi nyerumba taun 2030
BINTULU: Perintah deka majak bebendar negapka sektor betanam betupi di nengeri tu nengah servis meri jaku lalau enggau bantu kena nentuka penatai pemisi ruang bilik nengeri tu ulih manggai ba tikas ke tinggi nyerumba taun 2030.
Menteri Muda ba Opis Kepala Menteri (UndangUndang enggau Adat Bumiputera) Datuk John Sikie Tayai madah, perintah Gabungan Parti Sarawak (GPS) ari baruh iring Kepala Menteri Datuk Patinggi Abang Johari Tun Openg, ngembuan perambu khas kena nentuka penatai pemisi tetiap ruang bilik ulih manggai ba tikas ke tinggi.
Nya alai ku iya, kerajaan majak komited mantu rayat di nengeri tu nengah bemacham chara baka mai peranak menua tu ngaul diri ba aktiviti betanam betupi ti lalu nyadi dagang.
“Entara pengawa ti dipejalaika iya nya peranak menua diperansang nanam buah tauka sayur ke bisi peminta
“
Entara pengawa ti dipejalaika iya nya peranak menua diperansang nanam buah tauka sayur ke bisi peminta enggau ” rega ke tinggi ba makit dagang.
Datuk John Sikie Tayai Menteri Muda ba Opis Kepala Menteri (Undang-Undang enggau Adat Bumiputera)
enggau rega ke tinggi ba makit dagang,” ku iya lebuh bejaku ba Pengerami Ketuai Begulai engagu Rakyat ba Rumah Robert Ahsoon, Sungai Empang Sangan Tatau ensanus.
Ku iya, ke beguna amat ba pengawa tu iya nya kerejasama enggau sukung ari rayat di menua pesisir ngagai perintah GPS deka nentuka bemacham projek enggau pemansang lanchar dipejalaika di menua pesisir.
Ba timpuh ke sama ku iya, perintah Sarawak nengah bemacham inisiatif udah nguji mantu enggau ngemansangka kandang menua pesisir nengah sekeda bantu ari Projek Mit Pemansang
Menua Pesisir (MRP), Projek Transformasyen Menua Pesisir (RTP), Duit Turu Fasilitasi Betanam Betupi (AFF), Skim Bekal Elekterik Menua Pesisir Sarawak (RES) enggau Projek Skim Mekalka Elekterik Alternatif Menua Pesisir
Sarawak (SARES).
Kelimpah ari nya, Kaban Kunsil Nengeri Kakus nya madah, perintah mega bisi meri Bantu Khas Sarawakku Sayang (BKSS), Endowment Fund Sarawak (EFS), Bantu In dai Beranak, Bantu Kenyalang Gold Card ngagai orang lunggar umur di Sarawak enggau ke bukai.
Ba pengerami nya, iya bisi ngungkupkageran MRP RM5,000 ngagai Biro In du Rumah Robert enggau Program Nambahmanah Rumah Miskin Sarawak (PPRMS) sepenyampau
RM2,500 ungkup tetiap pintu ngagai 27 pintu Rumah Robert ke alai ungkus semua nya RM67,500.
Sama bisi ngulu program nya Penghulu Lubon Kinchang, Penghulu Micheal Agul enggau peranak menua nya.