Peranak Sarawak diperansang masuk pekit nulis esei diatur ARMADA Sarawak
KUCHING: Peranak menua Sarawak ti beumur 18 ngagai 35 taun dikelaluka sereta diperansang masuk pekit nulis esei ti diatur Angkatan Bersatu Anak Muda (ARMADA) Parti Pribumi Bersatu Malaysia (BERSATU) Negeri Sarawak.
Ketuai ARMADA Sarawak Alexander Frusis madah, hari kepenudi masuk pekit tu ti diatur enggau nadai bebayar kena 20 Mac 2021.
“Tuju ARMADA Sarawak ngatur pekit tu iya nya dikena nyendiaka peluang ngagai raban nembiak mantaika pemandai enggau penau nulis ngena jaku ti betul, berurun enggau gramatis ti kreatif.
“Nambah nya, dikena ngangkatka pengulih dalam pengelandik nulih ba raban nembiak ngena jaku Kebangsaan (Bahasa Melayu),” ku iya nengah sebengkah penerang kemari.
Pesereta diberi peluang milih tema ti ditetapka pengatur pekit ti dianggap setipak enggau gaya, idea, penemu utai ke deka ditulis.
Kriteria milih bepelasarka isi esei ke ditulis enggau chara , pansik penanggul ti bisi fakta, gaya jaku ti dikena, penemu tauka idea ti dikenataika enggau pemetul sepil.
“Tema pekit tu iya nya tau milih sekalika Tema 1 : Politik Pembangunan Menjelang Piliharaya Negeri Sarawak ke-13, Relevankah? tauka Tema 2: Norma Baharu, Pasca Wabak COVID-19. Bersediaka Kita?,” ku ARMADA Sarawak.
Pemenang pekit deka nerima perais mata duit enggau setipikit pengaga ati ti disain khas Sapit Menteri Nembiak enggau Lumba enggau Main ti mega Ketuai ARMADA Nasional ,Senator Wan Ahmad Fayhsal Wan Ahmad Kamal.
Sebarang penerang bekaul enggau pekit tu tau ditanya ba Alexander Frusis 0177117905; Aduka Adlisyah (Naib Ketua ARMADA Negeri) – 0136809558; Amirul Jeffery Igai (Ketuai Pemadah ARMADA Negeri) – 0192270720 enggau Muhammad Zul Haziq (Sekretari Kereja ARMADA Negeri) – 01126832160.