Industri program dagang patut mekuh ngena chara ‘online’
Kena mulaika pemanah ekonomi maya betapi enggau COVID-19
KUCHING: Industri program dagang di nengeri tu patut mekuh ngagai chara ‘online’ tauka hibrid dalam pengawa mantu mulaika pemanah ekonomi lebuh ti betapi enggau pemar berindik ari igi penyakit COVID-19 diatu.
Menteri Dagang Temuai, Seni enggau Main Asal Datuk Abdul Karim Rahman Hamzah madah, enda dikenggai mayuh pemar ditapi industri program dagang kenyau ari pandemik COVID-19 nyadi ba menua kitai.
Pia mega, ku iya, penatai temuai tauka deligit ke bisi ungkup program dagang deka nyapai tikas ti pemadu baruh semanjai taun nyin kemari.
“Taja pia, Sarawak deka manah lalu deka terus besemekih. Baka ti dipadahka, Sarawak nyapai tikas Indeks Pemanah Gawa (KPI) 2020 enggau 95 program dagang ke semua nya meri penyampau RM208.8 juta ngagai ekonomi,” ku iya lebuh ti bejaku maya bejadika Tribe Homegrown Incentivised Packagebeserimbai enggau Tribal Gathering 2021 Business Event Sarawak’s (BESarawak) ditu, kemari.
Abdul Karim madah, praban pengatur industri dagang di Sarawak bejalaika tanggungpengawa ti berat laban nyau betaun, segmen konvensyen sereta pengawa pemandang mujur dikemansang lalu nyadi program ti ditukuka ba renggat antarabansa sereta narit penatai mensia mayuh ari selampur
“
Taja pia, Sarawak deka manah lalu deka terus besemekih. Baka ti dipadahka, Sarawak nyapai tikas Indeks Pemanah Gawa (KPI) 2020 enggau 95 program dagang ke semua nya meri penyampau
” RM208.8 juta ngagai ekonomi.
Datuk Abdul Karim Rahman Hamzah
Menteri Dagang Temuai, Seni enggau Main Asal dunya.
Bekaul pakej insentif Tribe Homegrown ti dipenyadi tu, iya madahka perintah endang meransang sereta nyukung pengawa tu laban mayuh agi perambu di nengeri tu ungkup program dagang.
“Tu mega iya nya chara kena kitai meri sukung ngagai industri dalam nengeri sebedau garis entara menua dibuka baru.
“Enggau nyendiaka mayuh macham produk, nyengkaum kategori Pakej Aum Korporat&Insentif Korporat sereta kategori Konvensyen, tu sepatut nya meransang mayuh agi raban pengatur datai ngatur tauka ngaga program di Sarawak,” ku iya.
Bekaul enggau pakej insentif Tribe Collaborate, nya deka nyungkak agi aktiviti baka iklan, dagang enggau promosyen ke bisi ngagai kaban industri dalam bidang ti bekaul.