Morgan: KPDNHEP deka ngemuntangka pengawa pemurung, perenchit
MUKAH: Raban OpisMenteri Dagang Dalam Menua enggau Pekara Penguna (KPDNHEP) deka ngatur baum enggau ejensi ti bekaul senentang chara ngemuntangka raban pemurung enggau perenchit ngaga peminta bekaul lisin.
Nitih ku Ketuai Pemesai Peneritadat Nengeri Opis Menteri Dagang Dalam Menua enggau Pekara Penguna (KPDNHEP Sarawak Morgan Arumugam, pekara tu kena mantu ngemuntangka pengawa lebuh ti ngatur pengawa enggau ejensi tu.
“Kitai deka ngatur aum enggau semua ejensi bekaul ngambika kitai ulih ngemuntangka chara lalu ngelengkaska pengawa ngemansutka lisin ungkup raban perenchit enggau pemurung,” ku iya dalam aum media ba Ringkat Satu, Begunan Administrasyen
Baru, Opis KPDNHEP Mukah ditu, lemai kilah ensana.
Nitihka penerang, aum tu diatur kemari iya nya ti ngaul ejensi baka raban bekuasa kandang menua, raban Bomba enggau Penyelamat sereta sekeda ke bukai.
Pekara tu dipadahka iya pengudah baum enggau raban perenchit sereta pemurung petroleumn gis ai (LPG) ba selampur Bagi Menua Mukah bedau lama ti udah.
Ku iya agi, siti mekanisme patut diperunding ngambika pengawa bala perenchit enggau pemurung enda napi pemar.
Kebuah pia laban produk kepenudi baka LPG deka ba penguna lalu ngemuntangka chara tauka pengawa perenchit tauka pemurung reti nya kena ngelancharka pengawa bala penguna.
Beserimbai enggau tu, iya mega meri besai terima kasih ngagai KPDNHEP Pampang Mukah laban udah bejalaika pengawa sida enggau manah.
Lebuh program matau rega barang di Matu enggau Daro kena Hari SAtu, Morgan madahka semua pedagang ngasika atur ti udah ditetapka.
“Rega diengkah enggau tampak, engkeman sereta mega rega disamaka ba barang ti udah ditetapka baka gis LPG,” ku iya nambah.
Berindik ari nya, iya mega madahka tikas ngasika Akta 342 ba raba pedagang iya nya neyndiaka kod bar MySejahtera, seraka satu meter, meresa tikas pengangat tubuh enggau mega ngasika sema garis lalau ti ditetapka.
Sama bisi datai Ketuai Pampang KPDNHEP Mukah Salihin Den.