Tiga pos nyaga, teknologi dron chara mutarka penusah angus
Tu strategi JPBB Miri dalam pengawa ngurangka penusah sebun asap ti suah nyadi di Miri
“
Berindik ari nya, ari taun nyin kemari JPBB Miri udah berandau enggau silik lalu ngelangkar strategi ti dikearap deka
” manah agi sekali tu.
MIRI: Ngena teknologi dron lalu ngengkahka tiga pos nyaga iya nya strategi ti pemadu baru Komiti Mutarka Penusah Ngenyit Bagi Menua (JPBB) Miri kena nagang sereta nyeliahka penusah angus di kandang menua tu.
Menteri ti Megai Tanggungpengawa JPBB Miri Datuk Lee Kim Shin madahka pengawa matau ngena dron tu deka dipejalaika Opis Pengeraja Asal enggau Rampa Menua (NREB) enggau Opis Rampa Menua (JAS) enggau kerejasama orang ti ngempu tanah.
Beserimbai enggau nya, tiga pos nyaga ti diengkah dua ba Kuala Baram lalu sebuah enda jauh ari Curtin University Malaysia mega deka endur ngengkahka raban Opis Volunteer Malaysia (RELA) ti diberi tanggungpengawa nyaga sereta matau penusah angus ba kandang menua nya 24 jam.
“Baka ti endang udah ditemu kitai ninting taun Miri napi penusah sebun asap ketegal penngawa nunu kelebih agi ba kandang menua Kuala Baram, Permyjaya enggau Tudan.
“Berindik ari nya, ari taun nyin kemari JPBB Miri udah berandau enggau silik
Datuk Lee Kim Shin
Menteri Perengka Pengangkut Sarawak
lalu ngelangkar strategi ti dikearap deka manah agi sekali tu.
“Lalu kitai mega ngarapka sukung ari Komiti Mutarka Penusah Ngenyit Nengeri Sarawak (JPBNS) iya nya Datuk Amar Douglas Uggah Embas ti udah mantu lalu ngemendarka peminta ngengkahka pos nyaga ngena kontena tu ba palan ke strategik,” ku iya.
Iya madah munyi nya ngagai pengarang berita pengudah ngelawa pos nyaga ke baru diengkah ba Kuala Baram ditu, kemari.
Lee ke mega Menteri Perengka Pengangkut Sarawak madahka raban RELA diasuh matau ba kandang menua ti suah nyadi penusah angus ninting taun lalu tiga pos nyaga diengkah kena ngemuntangka raban nya belelak sereta nyikap diri.
“Tetiap kontena tu mega disikap enggau injin api sereta agu ke guna raban ti bejalaika pengawa.
“Kelimpah ari nya, sekali tu kitai deka ngenegapka agi pengawa nyaga ngena dron ari NREB, JAS lalu pengempu tanah ti ngembuan kereban ti moden baka ulih ngerikod video sereta gambar, munyi ‘siren amaran’ sereta mega audio kena madahka raban pekebun mit ti ngaga pengawa nunu.
Pia mega, Lee ngarapka enggau dua strategi baru digaga taun tu deka ngenataika asil ti manah lalu penusah sebun asap enda deka nyadi di Miri.
Sama bisi, Pemangku Residen Bagi Menua Miri Abdul Aziz Mohd Yusuf, Ketai pis Bomba enggau Penyelamat Malaysia Zon 6 Miri Penguasa Kanan Bomba I Law Poh Kiong sereta Pemesa Opis Nyaga Rampa Menua NREB Miri Joseph Uyo.