250 kes baru positif COVID-19 diripotka di Sarawak kemari
KUCHING: Bisi 250 kes positif baru COVID-19 diripotka di Sarawak, kemari.
Sekretariat Komiti Mutarka Penusah Ngenyit Nengeri Sarawak (JPBNS) nengah penerang berita madahka, nya ngujungka penyampau semua kes positif COVID-19 ba nengeri tu nambah nyadi 10,674 kes kemari.
“Sehari tu (kemari) bisi 250 kes baru COVID-19 ditemu ba Sarawak.
“Pelilih menua ti ngeripotka kes baru iya nya Pelilih Menua Sibu (123), Meradong (36), Bintulu (21), Kuching (17), Kapit (17), Miri (14), Julau (7), Serian (4), Daro (3), Asajaya (2), Samarahan (2), Selangau (2), Dalat (1) enggau Sri Aman (1),” ku JPBNS.
Nambahka nya JPBNS ngeripotka kemari bisi 174 kes baru udah gerai sereta dikemendarka pansut ari Sepital Sibu (61), Sepital Bintulu (37), Sepital Besai Sarawak (34), Sepital Sarikei (21), PKRC Sepital Kapit (9), PKRC Sepital Sri Aman (9) enggau Sepital Miri (3).
“Nya alai penyampau semua kes positif COVID-19 ke udah gerai sereta dikemendarka pansnut ari sepital nambah nyadi 8,141 iku tauka 76.27 peratus ari penyampau semua kes COVID-19 ba Sarawak.
“Penyampau kes aktif ke agi diperubat enggau diserara ba PKRC enggau wad sepital bisi 2,413 iku ti nyengkaum bis 957 kes ba Sepital Sibu enggau PKRC di Sibu; Sepital Bintulu enggau PKRC di Bintulu ( 375 kes); Sepital Miri enggau PKRC di Miri (300 kes); Sepital Besai Sarawak enggai PKRC Kuching (295 kes); Sepital Betong enggau PKRC Betong (170 kes); Sepital Sarikei enggau PKRC di Sarikei (156 kes); Sepital Kapit enggau PKRC di Kapit (140 kes) sereta bisi 20 kes ba Sepital Sri Aman enggau PKRC Sri Aman,” ku JPBNS.
Kemari bisi 275 PUI baru diripotka enggau dua PUI agi nganti pemutus ujian makmal.
Bekaul enggau kluster COVID-19, JPBNS ngeripotka bisi 25 kluster ti agi aktif sereta ari penyampau nya bisi empat kluster ti bisi nambah kes kemari.
Empat kluster ke bisi nambah kes kemari iya nya Kluster Buloh, Selangau; Kluster Emperoh Jambu, Kuching; Kluster Sungai Bakong, Meradong enggau Kluster Pasai, Sibu.
Kluster Buloh, Selangau bisi nambah siti kes kemari, ti nyadika penyampau semua kes ba kluister nambah nyadi 33 kes.
Kluster Emperoh Jambu, Kuching kemari bisi nambah 14 kes baru ti nyadika penyampau semua kes ba kluster tu nyadi 212 kes.
Lalu Kluster Sungai Bakong, Meradong kemari bisi nambah 33 kes ti nyadika penyampau semua kes kluster tu nambah nyadi 182 kes.
“Kluster Pasai, Sibu bisi nambah enam kes sehari tu (kemari) ti nyadika penyampau semua nambah nyadi 2,673 kes ba kluster tu. Bisi 42,000 individu udah diperesa lalu ari nya bisi 39,200 negatif enggau 127 kes agi nganti pemutus makmal,” ku JPBNS.
Ripot kes nitihka pelilih menua ba Sarawak iya nya kemari Pelilih Menua Selangau, Betong, Meradong, Kuching, Samarahan, Kapit, Bintulu, Miri enggau Sibu agi ba status Mirah enggau penyampau 1,770 kes berampit ba pelilih menua nya diripotka dalam timpuh 14 hari ke udah.
Pelilih Menua Kanowit, Serian, Sarikei, Julau, Subis, Bau, Bukit Mabong, Dalat enggau Sri Aman mega agi ba status Oren enggau penyampau semua 227 kes berampit ba pelilih menua nya diripotka dalam timpuh 14 hari ke udah.
Pelilih Menua Marudi, Mukah, Pusa, Song, Asajaya, Beluru, Saratok enggau Sebauh agi ba status Kuning enggau penyampau semua 62 kes berampit ba pelilih menua nya diripotka dalam timpuh 14 hari ke udah.
“Lalu 14 pelilih menua ke bukai (Lundu, Belaga, Tatau, Pakan, Matu, Lawas, Daro, Simunjan, Lubok Antu, Telang Usan, Limbang, Tanjung Manis. Tebedu enggau Kabong) agi ba status Gadung,” ku JPBNS.