COVID-19: 199 kes baru positif ditemu di Sarawak
KUCHING: Bisi 199 kes baru positif COVID-19 ditemu di Sarawak, ti ngujungka penyampau semua kes positif COVID-19 nambah nyadi 11,710 kes naka kemari.
Sekretariat Komiti Mutarka Penusah Ngenyit Nengeri sarawak (JPBNS) madahka 199 kes baru nya diripotka nyengkaum ba Pelilih Menua Sibu (41), Kapit (33), Kuching (33), Miri (22), Song (19), Bintulu (8), Tatau (8), Serian (6), Bau (6), Betong (6), Samarahan (4), Bukit Mabong (3), Mukah (2), Pusa (2), Dalat (1), Saratok (1), Sarikei (1), Sri Aman (1), Subis (1) enggau Selangau (1).
"Ari penyampau 199 kes baru ti diripotka, bisi 30 iku tauka 15.07 peratus iya nya individu ti udah ngayanka kelai enggau bisi kelai dirampit COVID-19 maya diperesa.
"Lalu ari 199 kes baru nya mega nyengkaum 60 kes asil meresa individu dalam kluster aktif ke udah biai (12 iku bisi kelai); 95 kes asil ari meresa individu ti bisi kontak ngagai kes positif COVID-19 (siku (1) bisi tanda); 16 kes individu bisi tanda diperesa ba fasiliti pengerai; 24 kes iya nya kes bukai ba fasiliti pengerai (siku (1) bisi tanda) enggau empat (4) kes bekaul enggau individu ti pulai ari nengeri bukai di dalam Malaysia ti dikategori nyadi kes Import
B," ku JPBNS nengah penerang berita kemari.
Nambahka nya JPBNS ngeripotka kemari bisi 137 kes baru udah gerai sereta dikemendarka pansut ari sepital iya nya Sepital Bintulu (40), Sepital Sibu (28), Sepital Besai Sarawak (23), Sepital Miri (17), SepitalKapit (16), PKRC Betong (7), enggau Sepital Sarikei (6).
Tu ngujungka penyampau semua kes positif COVID-19 udah gerai sereta dikemendarka pansut ari sepital naka kemari bisi 9,124 iku tauka 77.92 peratus ari penyampau semua kes COVID-19 ba Sarawak, ku JPBNS.
"Penyampau kes aktif ke agi diperubat sereta diserara ba PKRC enggau wad sepital iya nya bisi 2,457 iku ti mnyengkaum bisi 949 kes ba Sepital Sibu enggau PKRC Sibu; 367 kes ba Sepital Miri enggau PKRC ba Miri; 310 kes ba Sepital BEsai Sarawak enggau PKRC ba Kuching; 297 kes di ba Sepital Bintulu enggau PKRCBintulu;
"Bisi 187 kes ba Sepital Betong enggau PKRC Betong; 181 kes ba Sepital Kapit enggau PKRC Kapit; 130 kes ba Sepital Sarikei enggau PKRC ba Sarikei; 19 kes ba Sepital Sri Aman enggau PKRC Sri Aman; 10 kes ba PKRC Mukah enggau bisi tujuh kes ba PKRC Serian," ku JPBNS.