Leka jaku ‘Allah’ dikemendarka dikena

Opis Menteri Dalam Negeri ba taun 1986 ti nagang ngena empat leka jaku nya salah ari sukut undang-undang

KUALA LUMPUR: Kort Tinggi ditu kemari udah ngaga pemutus ke alai raban orang ti megai jalai pengarap Kristian di serata menua tu tau ngena leka jaku “Allah” enggau tiga tiga leka jaku Arab ke bukai ba pengawa ngemansutka utai ti bekaul enggau jalai pengarap (publication) ke tuju pelajar.

Tiga leka jaku tu iya nya Baitullah, Kaabah enggau solat.

Tu berindik ari pemutus Akim Kort Apil Datuk Nor Bee Ariffin, ti baum nyadi Akim Kort Tinggi, ngemendarka peminta akim nyerenih nya baru ari orang indu bansa Melanau ari Sarawak ke megai pengarap Kristian, Jill Ireland Lawrence Bill.

“Ngena leka jaku nya nadai ngeruga pengelikun mensia ” mayuh.

Datuk Nor Bee Ariffin

Akim Kort Apil

Dalam peminta nya, Jill Ireland udah minta ngenukuka endang nyadi hak Konstitusyen iya bisi akses ngagai pengawa ngemansutka utai ti bekaul enggau jalai pengarap (publication) Kristian maya bejalaika hak iya kena ngemeranka jalai pengarap enggau hak ungkup pelajar,baka ke diungkupka ari baruh Pekara 11 Konstitusyen Perintah Besai.

Iya mega minta kort ngenukuka perintah ari Opis Menteri Dalam Nengeri ba taun1986 ti nagang ngena leka jaku “Allah” ba utai ti dipansut bekaul enggau jalai pengarap Kristian, nya n adai konstitusyen sereta enda sah ba sukut undang-undang.

Lebuh ke ngakim nya, Nor Bee madahka perintah Opis Menteri Dalam Negeri ba taun 1986 ti nagang ngena empat leka jaku nya endang salah ari sukut undang-undang sereta enda rasional.

“Ngena leka jaku nya nadai ngeruga pengelikun mensia mayuh,” ku iya. — Bernama