Dinding penagang tanah tusur deka digaga di Simunjan
Projek nya deka digaga ba Pasar Mit Simunjan dipelaba begunaka ungkus belanja entara RM80 juta - RM100 juta
“
Tu pekara ti benung dipansik kitai sereta kitai minta injinir mansik taja pan begunaka ungkus belanja ti besai, tang kitai ngaga berengkah ari ujung Pasar Mit Simunjan nyentuk ke ujung Kampung
”
Sageng.
Datuk Patinggi Abang Johari Tun Openg
KUCHING: Perintah nengeri deka ngaga dinding penagang tanah tusur dikena nagang tanah tusur ti bisi nyadi ba Pasar Mit Simunjan enggau kandang endur ke ngelinggi nya, diperambu berengkah dipejalaika ba taun baru.
Kepala Menteri,Datuk Patinggi Abang Johari Tun Openg madah, projek nya besai amat reti di Simunjan sereta dipelaba begunaka ungkus belanja entara RM80 juta ngagai RM100 juta berindik ari tanah ba endur tu tanah kerapa sereta patut begunaka chara tauka teknik ti betul.
"Nya alai kitai ngaga pemutus meda baru struktur tanah sereta ngena chara ti setipak enggau gaya tanah awakka ulih ngaga dinding penagang tanah tusur ti lebih tegap.
"Tu pekara ti benung dipansik kitai sereta kitai minta injinir mansik taja pan begunaka ungkus belanja ti besai, tang kitai ngaga berengkah ari ujung Pasar Mit Simunjan nyentuk ke ujung Kampung Sageng.
"Pemanjai tu urung 500 meter. Pekara bekaul enggau konsep, pansik hidrologi, tanah enggau teknologi ke
Kepala Menteri
dikena diatur taun tu, sereta udah semua nya tembu dalam taun baru projek tu berengkah dipejalaika.
"Enggau tu (penembu), aku ngasaika kitai ulih mantu rayat ngemansangka pelilih menua Simunjan lebih agi Pasar Mit Simunjan," ku iya.
Abang Johari mansutka pekara nya ba aum pengarang berita nyerumba penemuai seraya bejalaika pengawa ke Simunjan, kemari.
Iya madah, sebedau tu bisi bisi kala nguji ngaga dinding penagang tanah tusur kena nagang tanah tusur ngena duit perintah besai, tang enda mujur laban ti enda mungkur semua pekara ke patut dipejalaika.
Sebedau tu, bisi empat projek udah dipejalaika ti beungkus RM59 juta tang ukai kereja ti silik tauka enda mungkur semua pekara enti dibandingka enggau ke deka dipejalaika diatu nyengkaum pansik saintifik, ku iya.
Ba aum pengarang berita ke sama, kelimpah ari ti udah ngemansangka jalai ari Gedong ke Simunjan sereta terus ke Serian ti disengkaum dalam jalai tebing tasik, iya madahka, kandang endur betanam betupi baru mega ulih dibuka ba kandang menua nya.
Berindik ari udah bisi jalai, arus internet mega ulih disambung ngambika betanam betupi pintar (smart argriculture) ulih dipejalaika, kelebih agi rebak baruulihbejalaikadagangbepelasarka betanam betupi.
"Tanah kerapa kebendar, bisi nya ulih alai nanam jagung lalu bisi mega ulih endur nanam nenas enggau komoditi bukai.
"Nya alai peluang ditu kitai ulih muka kandang endur ditu ngena pengawa betanam betupi chara moden, nyadi 'food basket' kelimpah ari peluang dagang temuai," ku iya.
Nyempulang iya ba aum pengarang berita nya, Menteri Dagang Temuai, Seni enggau Main Asal ti mega Kaban Parlimen Batang Sadong Datuk Seri Nancy Shukri, Menteri
Dagang Temuai, Seni enggau Main Asal Sarawak ti mega Kaban Kunsil Nengeri Asajaya Datuk Abdul Karim Rahman Hamzah, Menteri Muda Pemansang Dagang
Antarabansa enggau Industri, Terminal Industri enggau Pemansang Orang Dagang ti mega ADUN Gedong, Datuk Mohd Naroden Majais enggau ke bukai.