Pemujur Sarawak meri tuchuk vaksin COVID-19 dipuji
Naka ke diatu bisi 28,194 iku staf terabai menua di Sarawak udah dituchuk vaksin nya, ku Uggah
“
Kitai diatu nengeri lumur satu di menua tu bekaul enggau penyampau
” staf terabai menua ke udah divaksin.
Datuk Amar Douglas Uggah Embas
BAU: Menteri Sains, Teknologi enggau Inovasyen Khairy Jamaludin muji pemujur Sarawak ba pengawa meri tuchuk vaksin COVID-19 ti mungkur sepenyampau 28,194 iku naka ke diatu.
Chairman Komiti Mutarka Penusah Ngenyit Nengeri Sarawak (JPBNS) Datuk Amar Douglas Uggah Embas madah, Khairy ti mega menteri koordinator begulai Program Imunisasyen COVID-19 Menua (NIP) madahka diri berasai temegah ati maya baum ngena Zoom apin lama.
"Kitai diatu nengeri lumur satu di menua tu bekaul enggau penyampau staf terabai menua ke udah divaksin.
"Tu mandangka program, ngatur enggau raban pengereja pengawa kitai chukup sikar enggau efektif," ku iya.
Iya mansutka pekara nya lebuh dirandau pengudah ngabas ngagai Bilik Operasyen Perintah Atur Nagang
Pemindah Diteritka (PKPD) COVID-19 Kampung Tringgus ditu ensanus.
Sama bisi datai Kaban Kunsil Nengeri Serembu, Miro Simuh enggau Sapit
Sekretari Perintah Nengeri Datu Ik Pahon Joyik sereta pemesai perubat ke diberi tanggungpengawa, Dr Winnie Johnnie.
Ngenang program renggat kedua, Uggah ti mega Sapit Kepala Menteri madah, nya dipelaba deka berengkah bulan baru tang bepanggai ba stok vaksin ari Kuala Lumpur.
Chairman Komiti Mutarka Penusah Ngenyit Nengeri Sarawak
Ku iya renggat kedua deka lebih mayuh laban mungkur pengawa meri vaksin ngagai urung 2 juta rayat Sarawak ke patut nyengkaum ekspatriat sereta pekereja menua luar ti bisi permit enggau ke nadai permit.
"Kitai udah madah ngagai Kula Lumpur perambu enggau tagit kitai kena nembuka program vaksinasyen kitai lebuh manggai ba bulan Ogos tu.
"Tang, perambu enggau tagit kitai bepanggai ba stok ke diterima kitai sereta Kepala Menteri Datuk Patinggi Abang Johari Tun Openg udah nyendiaka ungkup belanja ke kitai dikena meli vaksin nyema stok kitai nyadi isu," ku iya.
Ngenang pelin meri vaksin ba Pelilih Menua Bau, Uggah madahka lebih 20,000 (40 peratus) ari penyampau tubuh nya udah ngerejista nerima vaksin.
Iya minta sereta meransang orang ke bedau ngerejista patut ngerejista enggau lengkas ngambika lebih muntang ngatur lebuh datai ba maya ke patut.
Ngenang pasal PKPB ba Genturung Pendiau Tringgus, Uggah madahka iya mungkur 760 iku peranak ari 186 ruang bilik ba tiga genturung pendiau.
Operasyen pengelama14 hari nya ku iya,berengkah 8 Mac tu pengudah 54 kes positif ditemu ba genturung pendiau tu.