PKPB di Sarawak dilanjar ngagai 29 Mac, ku Uggah
Pemutus tu digaga laban kes COVID-19 di Sarawak agi tinggi
KUCHING: Timpuh Atur Nagang Pemindah Bisi Penetap (PKPB) ba nengeri tu dilanjarka ngagai 14 hari agi, nyentuk 29 Mac tu.
“Pengudah meda sereta mansik gaya kes positif ba Sarawak agi tinggi, Komiti Mutarka Penusah Ngenyit Nengeri Sarawak (JPBNS) udah ngaga pemutuska ngelanjarkaPKPB ba Sarawak, berengkah diteritka kena 16 Mac 2021 pukul 12.01 pagi ngagai 29 Mac 2021 pukul 11.59 malam. ”
Datuk Amar Douglas Uggah Embas Sapit Kepala Menteri
Sapit Kepala Menteri, Datuk Amar Douglas Uggah Embas madahka, nya berindik ari kes COVID-19 ba Sarawak ti agi tinggi.
“Pengudah meda sereta mansik gaya kes positif ba Sarawak agi tinggi, Komiti Mutarka Penusah Ngenyit Nengeri Sarawak (JPBNS) udah ngaga pemutuska ngelanjarkaPKPB ba Sarawak, berengkah diteritka kena 16 Mac 2021 pukul 12.01 pagi ngagai 29 Mac 2021 pukul 11.59 malam,” ku iya.
Uggah ti mega nyadi Chairman JPBNS mantaika pemutus nya ba aum pengarang berita COVID-19 Sarawak ti diatur ba Bengunan DUN Lama ditu, kemari.
Dulu ari nya madahka Atur Nagang pemindah Diteritka Agi (PKPD) ba Kampung Skim Penempatan Semula Sentosa Fasa 2, ba Sibu diketuka.
Berebak enggau tu iya ngarika JPBNS meri terima kasih ngagai semua ejensi enggau peranak genturung pendiau nya laban meri kerejasama lalu ngemujurka PKPD nya.
“Sehari tu JPBNS udah ngetuka timpuh PKPD ba Skim Penempatan Semula Sentosa Fasa 2, Sibu.
“Tu laban pemutus beperesa kedua nadai ngerikot tauka tetemuka sebarang kes positif ti baru.
“Nambahka nya nadai mega tanda ti ngayanka agi berampit ba kandang endur tu.
Sama bisi ba aum pengarang berita nya Menteri Kaunsil Kandang Menua enggau Pengawa berumah Dato Sri Dr Sim Kui Hian, Direktor Opis Pengerai Nengeri Sarawak Dr Chin Zin Hing enggau sida ke bukai.