COVID-19: 173 kes baru positif diripotka di Sarawak kemari

KUCHING: Bisi 173 kes positif baru COVID-19 diripotka ba Sarawak, kemari.

Sapit Kepala Menteri Datuk Amar Douglas Uggah Embas madahka, nya ngujungka penyampau semua kes COVID-19 ba nengeri tu nambah nyadi 12,051 kes.

“Bekaul enggau 173 kes baru COVID-19 tu ditemu nyengkaum ba Pelilih Menua Sibu (71), Miri (19), Bintulu (16), Kuching (15), Meradong (10), Serian (9), Julau (7), Kapit (5), Tanjung Manis (5), Betong (3), Belaga (2), Mukah (2), Sri Aman (2), Subis (2), Telang Usan (2), Dalat (1), Samarahan (1) enggau Sarikei (1).

“Ari penyampau 173 kes baru diripotka tu, semina 19 iku tauka 10.98 peratus ti bisi ngayanka tanda enggau betapi enggau tanda rampit COVID-19 maya diperesa.

“Lalu ari 173 kes baru

COVID-19 tu (kemari) iya nya 105 kes asil ari meresa individu ke bisi kontak kes postif COVID-19 (dua bisi tanda); 33 kes asil meresa individu dalam kluster aktif ke udah bisi (nadai tanda); 16 kes asil ari meresa individu bisi tanda ba fasiliti pengerai enggau 19 kes iya nya kes beperesa bukai ba fasiliti pengerai (siku bisi tanda),” ku iya.

Uggah ti mega chairman Komiti Mutarka Penusah Ngenyit Nnegeri Sarawak mansutka pekara nya ba aum pengarang berita COVID19 Sarawak ti diatur ba Bengunan DUN Lama ditu, kemari.

Nambahka nya Uggah mega madah kemari bisi 203 kes baru udah gerai sereta dikemendarka pansut ari Sepital Sibu (84), Sepital Sarikei (32), PKRC Sepital Kapit (29), Sepital Besai

Sarawak (26), Sepital Bintulu (19), Sepital Miri (12) enggau PKRC Betong (1).

“Tu ngujungka penyampau semua kes positif COVID-19 ke udah gerai sereta dikemendarka pansut ari sepital naka sehari tu bisi 9,590 iku tauka 79.58 peratus ari penyampau semua kes COVID-19 ba Sarawak,” ku iya.

Kemari mega bhisi, 176 PUI baru diripotka enggau empat PUI agi nganti pemutus ujian makmal.

Kelimpah ari nya, kemari Pelilih Menua Telang Usan enggau Tanjung Manis udah betukar ststua Kuning pengudah ngerikotka dua kes (Telang Usan enggau empat kes (Tanjung Manis) berampit baru ba pelilih menua tu.

Pelilih Menua Mukah mega udah betukar nggai status Oreng pengudah ngerikotka 22 kes berampit ba pelilih menua tu dalam timpuh 14 hari ke udah, ku iya.

Pelilih Menua Serian, Bau, Subis, Julau, Selangau, Betong, Meradong, Kuching, Kapit, Bintulu, Miri enggau Sibu agi ba status Mirah.

Pelilih Menua Sri Aman, Kanowit, Samarahan, Belaga, Lundu, Bukit Mabong, Tatau, Marudi, Pusa, Asajaya, Beluru, Saratok enggau Sebauh agi ba status Kuning.

Pelilih Menua Song, Sarikei enggau Dalat agi ba status Oren sereta semilan pelilih menua ke bukai agi ba status Gadung, ku iya.

Sama bisi ba aum pengarang berita nya kemari Mentai Kaunsil Kandang menua enggau pengawa Berumah dato Sri Dr Sim Kui Hian enggau Direktor Opis Pengerai Nengeri Sarawak Dr Chin Zin Hing.