Platform ‘Kumpulan Sokongan Bekas Pesakit COVID-19 Sibu’ ditumbuhka
SIBU: Siti platform ke diberi nama ‘Kumpulan Sokongan Bekas Pesakit COVID-19 Sibu’ ditumbuhka kena meri sukung ngagai ruang bilik enggau ex-orang ke sakit COVID-19 di Sibu.
Nyadi ketuai platform nya, Menteri Muda Pengerai Mensia Mayuh Dr Annuar Rapa’ee madahka pengawa n umbuhka nya enda ba maya ke betul laban berindik ari kes positif COVID-19 di Sibu manggai 4,584.
Iya ke mega koordinator Komiti Mutarka Penusah Ngenyit Bagi Menua Sibu madah, raban nya diarika bala ari volunteer, pemesai perubat, psikologi enggau ex-pesakit COVID-19.
“Ke bendar iya, Ketuai
Direktor Opis Pengerai Tan Sri Datuk Dr Noor Hisham Abdullah, mega madahka pemesai guna numbuhka raban ti ulih nyukung ke baka nya,” ku iya seraya semua pesakit ke udah gerai ari COVID-19 sama enggau raban nya.
“Ex-pesakit COVID19 ke udah gerai di Sibu diperansang enggau kami lalu pom disediakan nengah online enda lama agi,” ku iya.
Kaban Kunsil Nengeri Nangka nya madah, raban ke nyukung nya tau nyadi platform ngagai orang ke sakit COVID-19 begempuru lalu besaumka peneleban baka ba pekara baka ni ngelaban pengelelak runding maya berubat.
“Kelimpah ari nya, tu mega orang ke udah gerai enggau sida sebilik pulai ngagai pengidup ke nomal enggau naka pengelengkas
“Kami mega nguji mantu ari sukut pengelantang pendiau,” ku iya.
Ku Dr Annuar, bantu nya mega nyengkaum meri sukung sereta iring psikologi ruang bilik kena mutarka penanggul trauma enggau mantu orang ke selamat COVID-19 ari sukut beratika pengerai.
“Aku ngarapka nengah pengawa numbuhka raban ke tau meri sukung tu, expesakit bisi platform nyema sida begunaka bantu dudi ila,” ku iya.