Marudi pulai baru ngagai status Gadung

KUCHING: Pelilih Menua Marudi pulai baru ngagai status Gadung, ti nyadika penyampau semua bisi semilan pelilih menua ba status Gadung, naka kemari.

Nitihku Sekretariat Komiti Mutarka Penusah Ngenyit Nengeri Sarawak, nya berindik ari pelilih menua nya nadai ngerikotka kes baru ditemu dalam timpuh 14 hari ke udah.

“Sehari tu, Pelilih Menua Marudi udah pulai baru nyadi statusGadungaristatusKuning pengudahnadaikesberampitba pelilih menua tu ditemu dalam timpuh 14 hari ke udah.

“Kelimpah ari Pelilih Menua Marudi dalam status Gadung (kemari) bisi lapan agi tetap bestatus Gadung (Pakan, Matu, Lawas, Daro,

Simunjan, Lubok Antu, Tebedu enggau Kabong),” ku JPBNS nengah penerang berita, kemari.

Penyampau pelilih menua dalam status Oren mega nambah nyadi empat pengudah Pelilih Menua Selangau ngagai status Oren.

Pelilih Menua ke agi dalam status Oren iya nya Bau, Mukah sereta Sarikei kelimpah ari Selangau.

“Pelilih Menua Selangau udah betukar status ari Kuning ngagai ststus Jingga pengudah ngerikotka 21 kes berampit ba pelilih menua tu dalam timpuh 14 hari ke udah,” ku JPBNS.

Pelilih Menua Song, Serian, Subis, Julau, Betong, Meradong, Kuching, Kapit, Bintulu,

Miri enggau Sibu agi ba status Mirah enggau penyampau semua bisi 2,590 kes berampit ba pelilih menua tu dalam timpuh 14 hari ke udah.

Pelilih Menua Bau, Mukah enggau Sarikei mega agi ba status Oren enggau penyampau semua bisi 91 kes berampit ba pelilih menua tu diripotka dalam timpuh 14 hari ke udah.

Pelilih Menua Dalat, Limbang, Telang Usan, Tanjung Manis, Sri Aman, Kanowit, Samarahan, Belaga, Lundu, Bukit Mabong, Tatau, Pusa, Asajaya, Beluru, Saratok enggau Sebauh mega agi ba status Kuning enggau penyampau semua 114 kes berampit ba pelilih menua tu diripotka dalam timpuh 14 hari ke udah.