Program PSB ngabas rayat di Bukit Kota nerima sambut ti manah
LIMBANG: Program bejalai ti diatur Parti Sarawak Bersatu (PSB) Pampang Bukit Kota kenyau ari tengan taun nyin kemari udah meri peluang ngagai raban ketuai semak enggau rayat ba renggat baruh di tetiap genturung pendiau.
Chalun ti bisi potensial PSA Pampang Bukit Kota Rosli Amat madah, kelimpah nemu bekaul penanggul ti ditapi rayat, program tu mega nyadi platform kena ngenataika penerang ti pemadu baru bekaul pekara ti benung nyadi kemaya hari tu.
“Kenyau dimunka ba tengan taun nyin kemari, nyau deka 80 peratus kandang endur sereta genturung pendiau udah dilawa ba sitak Bukit Kota,” ku iya madah ngagai media kemari.
Ku Rosli madah, sambut mensai mayuh ngagai PSB
Pampang Bukit Kota chukup manah.
“Sambut ngagai PSB ba N79 Bukit Kota tu endang nyata.
“Kitai deka neruska pengawa bansa tu nyentukka mujur,” ku iya.
Ku iya nambah, program bansa tu deka diteruska nyentukka Pengawa Bepilih Nengeri (PRN) ti deka datai.
Lebuh program tu. sida udah betemu enggau rayat ke lalu nyuaka bantu ngagai raban ti begunaka nya ke ngaul orang lunggar umur, indai tunggal sereta raban ti seranta.
“Pengawa tu endang beguna laban rayat ulih nemu enggau terus serima nerima manah agenda PSB Bukit Kota,” ku iya.
BAU: Raban Pengatur Tetinggi Kolej Komuniti Mas Gading (KKMG) udah nemuai meri basa ngagai Kaban Kunsil Nengeri (ADUN) Tasik Biru Dato Henry Harry Jinep ba Palan Servis ADUN Tasik Biru, Bau kemari.
Program nemuai meri basa tu udah dipejalai pengelama sejam ti betuaika Direktor KKMG Nor Dalila Abd Rahman.
Nitih ku Nor Dalila, program nemuai meri basa tu iya nya kena madahka ngagai Henry bekaul juluk enggau pelih ti dilangkar KKMG kena nambahka pemayuh nembiak ti udah tembu peresa SPM ba sitak Pelilih Menua Bau kena ngambi kus penuh ke disediaka KKMG iya nya Kus Teknologi Pemadah (IT) enggau Kus Landskap ti kurang nerima peminta diatu.
Nitih ku Henry, iya udah meri buah penemu bekaul enggau tunga kuing pemansang infrastruktur, ekonomi, pelajar, pekara dagang enggau pengawa betanam betupi ba Bau deka diteruska baka ti udah dilangkar lalu KKMG dipinta kena nambahka program kus ti penuh lalu bisi mega sekeda kus timpuh pandak ke bekaul enggau peminta kemaya hari ari peranak ba Pelilih Menua Bau.
“Tu endang beguna kena ngangkatka tikas sosioekonomi peranak Bau ke udah berubah ngagai bidang betanam betupi sereta dagang nengah chara 'online' dalam pengawa ngelakuka produk sida lalu KKMG tu endang sebuah platform kena nyendiaka kus ti bansa tu,” ku iya nambah.