Berengkah 22 Mac enda ibuh ngaga PCR Test sebedau ke Sarawak
JPBNS mutuska sida ti ari Semenanjung, Sabah enggau Labuan enda ibuh ngaga PCR Test tiga hari sebedau kitu
“
(Pemutus iya nya) Semua rayat Malaysia enggau ukai rayat Malaysia ti nengah tauka datai ari Semenanjung Malaysia, Sabah enggau Labuan ke Sarawak, enda ibuh ngaga ujian COVID-19
” (PCR Test) tiga hari sebedau mupuk.
KUCHING: Berengkah 22 Mac 2021, rayat Malaysia enggau ukai rayat Malaysia ti nengah tauka datai ari Semenanjung Malaysia, Sabah enggau Labuan ke Sarawak enda ibuh beperesa COVID-19 (PCR Test) tiga hari sebedau mupuk.
Sapit Kepala Menteri, Datuk Amar Douglas Uggah Embas madah pekara nya diputuska Komiti Mutarka Penusah Ngenyit Nengeri Sarawak (JPBNS) maya baum kemari.
“JPBNS udah berati tauka mansik gaya penyadi COVID-19 ba Semenajung, Sabah enggau Labuan agi manah, nya alai komiti lalu ngaga pemutus tu.
“(Pemutus iya nya) Semua rayat Malaysia enggau ukai rayat Malaysia ti nengah tauka datai ari Semenanjung Malaysia, Sabah enggau Labuan ke Sarawak, enda ibuh ngaga ujian COVID-19 (PCR Test) tiga hari sebedau mupuk.
“Taja pia sida agi patut ngisi ngena chara online “EnterSarawak” enggau disempulang dokumen sukung ti diguna enggau dikuarantin 14 hari ba Sarawak agi diterit tauka dipejalaika,” ku iya.
Uggah ti nyadi chairman komiti nya mansutka pekara tu ba aum pengarang berita COVID-19 Sarawak ti diatur ba DUN Lama ditu, kemari.
“Atur nya deka berengkah dipejalaika kena Hari Satu tu iya nya 22 Mac 2021,” ku iya.
Kelimpah ari nya bekaul enggau status pengerejista
Datuk Amar Douglas Uggah Embas
Sapit Kepala Menteri
program vaksinasi, Uggah madah naka 17 Mac 2021 sepenyampau 1,223,080 individu udah ngerejista ba Program Vaksinasi COVID19 di serata Sarawak.
Ari penyampau nya, ku iya, bisi 788,012 individu udah ngerejista nengah Opis Residen bagi Menua enggau bisi 435,068 individu udah ngerejista nengah aplikasyen MySejahtera, ku iya.
Sama bisi ba aum pengarang berita nya kemari Menteri kaunsil Kandang Menua enggau Pengawa Berumah Dato Sri Dr Sim Kui Hian enggau Direktor Opis Pengerai Nengeri Sarawak Dr Chin Zin Hing.