Rayong: PSB parti ngatika diri

KUCHING: Ketuai Nembiak Parti Sarawak Bersatu (PSB), Dr Johnical Rayong Ngipa madahka Parti Sarawak Bersatu (PSB) ukai parti politik ti minta pengasih tang parti ti ngatika diri.

“Endang amat PSB nadai penyemaka politik enggau Gabungan Parti Sarawak (GPS). Penyemaka politik PSBiya nya enggau Sarawak, gawa negika semua peranak Sarawaki. Nya alai PSB ukai politik minta pengasih,” ku Rayong dalam penerang iya nimbal Ketuai Pemadah GPS, Dato Idris Buang ti dalam penerang iya madahka PSB ‘lack of chemstry’.

“Penerang ti dipansutkaYB Idris ukai semina sumbung tang tau dipadahka bejai PSB laban iya nemu juluk

PSB deka ngerampas kuasa ari GPS,” ku Rayong ke mega Kaban Kunsil Nengeri Engkilili.

“Ngarapka Tuhan nyangkung, PSB ulih numbuhka Perintah Nengeri pengudah PRN12. Ku jaku sempama Melayu, Penangi Yb Idris Buang baka ‘Meludah ke langit, timpa muka sendiri’.”

Kena Hari Satu tu tadi, Idris ti nyadi Ketuai Pemadah Parti Pesaka Bumiputera Bersatu (PBB) ke mega Kaban Kunsil Nengeri Muara Tuang, ngenadaika pematut GPS bekerejasama enggau Democratic Action Party (DAP), Parti Keadilan Rakyat (PKR) tauka PSB, seraya madahka nadai penyemaka enggau semua parti nya.

Taja pia, Idris madahka GPS tau bekerejasama enggau parti, bebakih sereta sedia bekerejasama enggau United Malays National Organisation (UMNO), Maufakat Nasional (MN) taukaPerikatan Nasional (PN).

Idris madah munyi nya lebuh ditanya nyema Pakatan Harapan (PH) sekali agi bulih majoriti numbuhka Perintah Besai berindik ari pemutus UMNO, mutuska kaul enggau Parti Pribumi Bersatu Malaysia (Bersatu) ti nyadi ketuai gempung PN.

UMNO iya nya tulang belakang komponen MN ke alai DAP enggau PKR mega kaban dalam PH.

PSB, parti pupu bansa nengeri Sarawak ke emga nyadi parti ngatika diri.