Tumbuhka estet industri lempung di Lubok Antu
Kena nyungkak ekonomi peranak menua tu enggau nyendiaka peluang kereja, ku Malcom
“
Enggau pengarap ati ke chukup tinggi, aku deka meri langgur penemu ngambika industri estet mit (ti bepelasarka kayu tauka mineral) enggau taman agroteknologi (kena ngangkatka produktiviti enggau pengenan rampa menua/pemansang produk baru) ditumbuhka ba pasar garis entara menua ” tu.
Datuk Malcom Mussen Lamoh
KUCHING: Menteri Muda Pemansang Industri, Datuk Malcom Mussen Lamoh meri langgur penemu ngambika ba Lubok Antu ditumbuh nyadi industri estet mit kena nyungkak ekonomi peranak menua tu enggau nyendiaka peluang kereja.
Iya arap bendar nengah chara ngangkatka Lubok Antu nyadi industri estet mit, ulih matak pemeranak puku ari luar menua ke menua nya kelimpah ari pengemeran industri dalam menua tu empu.
“Enggau pengarap ati ke chukup tinggi, aku deka meri langgur penemu ngambika industri estet mit (ti bepelasarka kayu tauka mineral) enggau taman agroteknologi (kena ngangkatka produktiviti enggau pengenan rampa menua/pemansang produk baru) ditumbuhka ba pasar garis entara menua tu.
“Tu berindik ari berundingka mayuh produk dalam menua tu, produk mata sereta mega pemayuh flora enggau fauna ti ulih dikena sereta diproses nyadi produk tembu ke ulih nyungkak ekonomi peranak ba menua tu, seraya meri mayuh agi peluang kereja.
“Ambika chunto, nengah pengerindu ti dipandangka ba produk akuakultur ari tekad ai HEP kitai, nya pelasar ti betul ungkup pemeranak
Menteri Muda Pemansang Industri
puku, pengemeran industri dalam menua tu enggau servis sukung (R&D, ToT enggau latih) patut dipejalaika sekalika nengah perintah tauka ngena konsep 3P (Private Public Sector Partnership) ti nyengkaum penyedia teknologi ke manah,” ku iya.
Malcolm ti mega Kaban Kunsil Nengeri Batang Ai meri langgur penemu nya dalam jaku pengelalu pengerami Nemuai Seraya Bejalaika Pengawa ke Pelilih Menua Lubok Antu, Kepala Menteri Datuk Patinggi Abang Johari Tun Openg ti diatur ba Dewan Sukan, Komples Sukan Lubok Antu ba Lubok Antu ditu, kemari.
Bejaku baru, Malcom madahka ‘trend’ dunya akuakultur diatu udah berubah ari chara lama nupi ikan ngagai sistem automatik teknologi baru, ari baruh ‘Digital Aquaculture Revolution’ ti mungkur ngena teknologi sensor kena matau sistem ai ari parameters besi (suhu, pH, potensial ngurangka O2, oksigen dianchurka, pemasin) ngambika pengenan enggau produktiviti lebih tinggi.
Berebak enggau tu, Malcom mega minta sereta ngarapka projek baka jalai, elekterik enggau ai dikemendarka sekalika dalam tauka semak enggau sitak kunsil nengeri Batang Ai.
Iya chukup ngarapka projek ulih lengkas dipejalaika opis tauka ejensi ti bekaul baka projek ngeseraika jalai Ng Kesit-Ulu Engkari/Lemanak (Fasa II & III) ari baruh bajet nengeri 2021; Jalai Ulu batang Ai (diperambu dalam SADA maya bejadi Gabungan Parti Sarawak ba Lachau taun 2019); nyadung nyambung bekal ai (fasa II) projek ungkup Pelilih Menua Lubok Antu.
Nambahka nya, projek kuasa solar melepu ba tekad Batang Ai (nyentuk 150MW) ari baruh kompeni SEB enggau JV enggau projek ngaga Loji Meresi Ai Engkilili Baru enggau kapasiti ke dulu 75 MLD, sistem masang paip ke Skrang enggau endur bukai ba Pelilih Menua Sri Aman, ku iya.
“Peminta khas tu iya nya ari pengawa aku ke ungkup semua mensia, ngambika Opis Menteri Utiliti ngena teknologi meresi ai ti pemadu baru ti enda ngena kereban kimia ke tau ngeruga pengerai enggau pengelantang penguna,” ku iya.
Kelimpah ari nya, Malcom ngenang isu enggau ‘projek rayat’ ke patut dikemeratka ba sitak ti diarika iya, baka nukar status tanah ba Skim Palan Pengentap Pendiau Baru Batang Ai ti dikemansangka SALCRA ngagai Tanah Hak Adat Bumiputera (NCR) sereta ungkus ngeluarka surat pala tanah Seksyen 18 Kanun
Tanah Negeri patut ulih diseliahka enggau diempu mendam tauka’perpetuity laes’.
Ku iya, isu nyendiaka servis telekomunikasyen mega patut dikelengkas sereta dikerembaika ngagai semua penguna lalu isu suah putus bekal elekterik ketegal tali grid ke udah tuai tauka lama, iya nya lebih 30 taun.
“Kami mega minta belanja tambah kena ngemesaika projek ‘waterfront’ Lubok Antu nyengkaum pengawa ngaga dua buah andau konkrit (Suspension Concrete Bridge) kena meraka sungai
Batang Ai ti meri penguntung ngagai peranak ba lima buah genturung pendiau ke semak tu.
“Ngarapka langkar tu lebih nyelai enggau estetik lalu awakka ulih ngemanahka agi kandang endur ba pasar tu,” ku iya.
Sama bisi nyempulang penemuai Abang Johari kemari, Sapit Kepala Menteri ti mega Menteri Infrastruktur enggau Pemansang Palan Penyangkai Kapal Tan Sri Datuk Amar James Jemut Masing; Sekretari Perintah Nengeri Datuk Amar Jaul Samion enggau ke bukai.