Sarawak nerima lebih ari RM5b asil ari SST produk petroleum
Tu penatai pemisi tambah Sarawak ke lalu dikena ungkup ngemansangka nengeri tu, ku Abang Johari
“
Taun keterubah, 2019 aku udah bejalaika Chukai Dagang Nengeri (SST), Petronas mayar kitai RM2.9 bilion, tu penatai pemisi tambah. Lalu dichampur bayar ari Shell enggau sida ke bukai semua bayar ti diterima iya nya RM3.2
” bilion tama ke Sarawak.
Datuk Patinggi Abang Johari Tun Openg
Kepala Menteri
KUCHING: Perintah Sarawak nerima lebih ari RM5 bilion dalam timpuh dua taun tu, asil ari ngumpul Chukai Dagang Nengeri (SST) sepenyampau lima peratus ungkup produk petroleum nengeri.
Kepala Menteri, Datuk Patinggi Abang Johari Tun Openg madahka nya penatai pemisi tambah Sarawak lalu dikena ngemansangka nengeri tu.
Iya ngarapka taun 2021 penyampau penatai pemisi tambah nya deka nambah agi berindik ari rega minyak ti niki.
“Taun keterubah, 2019 aku udah bejalaika Chukai Dagang Nengeri (SST), Petronas mayar kitai RM2.9 bilion, tu penatai pemisi tambah. Lalu dichampur bayar ari Shell enggau sida ke bukai semua bayar ti diterima iya
nya RM3.2 bilion tama ke Sarawak.
“Ari taun 2020 nyentuk ke sehari tu kitai udah nerima, laban rega minyak udan nurun, kitai udah nerima lebih RM2 bilion.
“Dalam dua (2) taun aja kitai udah nerima lebih RM5 bilion penatai pemisi tambah ke Sarawak,” ku iya.
Abang Johari mansutka pekara nya lebuh bejaku ba Program Lawatan Kerja ‘Janji Ditepati’ Ketua Menteri ti diatur ba Dewan Komuniti Spaoh di Spaoh, Betong, kemari.
“Taun tu 2021, aku meda rega minyak majak niki, enti rega nya majak niki reti nya penatai pemisi tambah kitai deka niki agi,” ku iya.
Taja pia ku iya, enti bisi penatai pemisi tang perintah endanemucharangatur,duit nya mega deka lenyau.
Tang ku iya, Sarawak untung laban bisi pakar ekonomi ti mantu kitai ngurus belanja, bejalaika mayuh projek pemansang nyengkaum ba menua pesisir.
“Enti chara kitai ngatur kereja dipejalaika ngena chara ti manah sereta pemesai kitai bebendar, gaya menua kitai jemah ila deka manah agi,” ku iya.
Dulu ari nya Abang Johari bejadi Opis Pelilih Menua Mit Spaoh ke baru sereta nyuaka Surat Tawaran projek pemansang ti dipejalaika enggau ngabs projek ke udah tembu ba Spaoh.
Sama bisi datai Sapit Kepala Menteri ti mega Kaban Kunsil Nengeri (ADUN) Bukit Saban Datuk Amar Douglas Uggah Embas, Menteri Nembiak enggau Lumba enggau Main Datuk Abdul Karim Rahman Hamzah, ADUN LAyar Gerald Rentap Jabu, Kaban Parlimen Betong Datuk Robert Lawson Chuat enggau sida ke bukai.