Beperesa COVID-19 dulu sebedau ke Bintulu
Setipak enggau pengawa ngiga kes positif COVID-19
“
Ari 116 kes baru ti dirikodka di Bintulu kemari (9 April), mayuh ari nya sida ti udah minta pas pejalai tama enggau pansut lalu maya ngaga pekara nya udah nerima ripot
” positif COVID-19.
BINTULU: Pemutus ti ngasuh semua orang mesti beperesa COVID-19 (rTPCR) sebedau tama ke Bintulu tu endang setipak enggau pengawa raban ti bekuasa ngiga sida ti positif COVID-19, pia ku Kaban Parlimen Bintulu Datuk Seri Tiong King Sing.
Ku iya madah, nengah pengawa nya deka ngemuntangka pengawa raban bekuasa ngiga strategi ti engkeman dalam nagang pengelekai sebarang rampit pandemik.
“Ari 116 kes baru ti dirikodka di Bintulu kemari (9 April), mayuh ari nya sida ti udah minta pas pejalai tama enggau pansut lalu maya ngaga pekara nya udah nerima ripot positif COVID-19,” ku iya nengah penerang media kemari.
Berindik ari nya, Tiong minta mensia mayuh ti ngaga peresa nya lalu nentuka sida endang nadai kena rampit pandemik nya kena nyaga diri enggau orang bukai mega.
Iya mega minta mensia mayuh ngambika terus diau ba rumah, nyeliahka diri ari aktiviti di luar rumah lalu ngasika prosedur operasyen standard (SOP).
“Raban terabai menua
Datuk Seri Tiong King Sing
Kaban Parlimen Bintulu
enggau sida ti enda ulih enda pansut bekereja patut nentuka pendiau diri sida likun enggau nyaga diri empu sereta orang ti ngelingi sida.
“Nyema kes tu majak nyadi lalu enda kurang, raban ti bekuasa deka ngerunding neritka agi Atur Nagang Peminda Bisi Penetap (PKPB) ngagai Atur Nagang Pemindah Diteritka Agi (PKPD),” ku iya.
Ku Tiong madah, raban ti bekuasa mega deka berundingka ngunchi kandang menua ti balat bisi kes ngena pagar beduri kena mutuska rentayan igi penyakit tu lalu ulih nagang pemindah mensia mayuh.
“Tu deka meri asil ti chukup manah tang tu mega ulih ngenusahka kelebih agi ngagai sida ti bekaul.
“Nitihka dipadah, tikas pengirau ati mensia mayuh di Bintulu endang tinggi. Tang, nyema kitai semua meri kerejasama enggau manah agi lalu enda nyadung penerang pelesu, kitai muntang agi betapi enggau gaya ti nyadi tu,” ku iya nambah.