RM462.23 juta kena ngemansangka 23 projek bekal ai
Projek nya deka meri empas besai ari Kota Samarahan ke Sebuyau diperambu enggau silik nengah JBALB
“Kelimpah nambah manah sistem bekal ai ke bisi diatu, projek tu mega dipelaba deka ngangkatka tikas sosio ekonomi mensia mayuh dia sereta nyadi ke penegap pemansang ekonomi ti ” manah agi.
Datuk Dr Abdul Rahman Junaidi
Menteri Muda Bekal Ai
KUCHING: Perintah nengeri deka ngemansangka 23 projek bekal ai ke meri empas besai ari Kota Samarahan ke Sebuyau ngena ungkus RM462.23 juta.
Menteri Muda Bekal Ai, Datuk Dr Abdul Rahman Junaidi madahka projek nya nyengkaum Projek Bekal Ai Alternatif Sarawak (SAWAS) kena nambah manah infrastruktur enggau sistem bekal ai di Samarahan kenyau ari taun 2018.
Ku iya, projek nya diperambu enggau silik nengah Opis Bekal Ai Menua Pesisir (JBALB) kena nangkup peminta bekal ai ti majak nambah di bagi menua nya.
“Kelimpah nambah manah sistem bekal ai ke bisi diatu, projek tu mega dipelaba deka ngangkatka tikas sosio ekonomi mensia mayuh dia sereta nyadi ke penegap pemansang ekonomi ti manah agi.
“Kelimpah ari nya mega meri kualiti pengidup ke meruan agi agi peranak ba kandang menua Asajaya, Sadong Jaya, Sebangan, Sebuyau enggau Simunjan,” ku iya pengudah nemuai seraya kereja ngagai Stesyen Booster Pam Asajaya enggau taba projek Tangki Ringkat Tinggi Sadong Jaya, kemari.
Dr Abdul Rahman ke mega Menteri Muda ba Opis Kepala Menteri (Pekara Islam enggau Dewan Bandaraya Kuching Utara - DBKU) madah, projek ti dipelabaka tembu digaga taun baru nya mungkur pengawa nyambung paip baru, ngaga tangki ringkat tinggi enggau stesyen booster pam, nganti paip lama enggau kereja ngangkatmanah loji meresi ai.
“Naka ke diatu, 12 projek udah tembu digaga sereta udah mutarka penanggul ai ba sekeda endur di Asajaya enggau Sadong Jaya,” ku iya.
Ku iya, kena nyamin kualiti
bekal ai ti manah agi sereta bisi belama di Bagi Menua Samarahan, JBALB deka nentuka projek ti benung digaga nya tembu digaga dalam timpuh ti ditetapka.
“Projek tu sebagi ari Sistem Grid Bekalan Air Sarawak ti datai ari bu ah runding Kepala Menteri, Datuk Patinggi Abang Johari Tun Openg kena mutarka isu bekal ai sechara efektif sereta mungkur semua,” ku iya.
Sama bisi maya nya Kaban
Parlimen Kota Kota Samarahan Rubiah Wang, Kaban Kunsil Nengeri Sadong Jaya Aidel Lariwoo, Residen Kota Samarahan Brahim Lumpu enggau Direktor JBALB Chang Kuet Shian.