Nadai niat jai ba pemutus netapka Emerjensi: Muhyiddin
Pemutus nya kena ngelaban pengelekai COVID-19, ngenyampatka atur undang – undang bekaul mutarka penyakit nya
“Nya, aku enggau bebendar madahka nadai motif jai ba pengawa netapka Emerjensi tu.
Tan Sri Muhyddin Yassin
Menteri Besai
KUALA LUMPUR: Tan Sri Muhyddin Yassin meri jamin ke alai nadai motif jai ba pemutus netapka Emerjensi baka pengirau ati ti dibantai diatu.
Menteri Besai nya madah, pemutus netapka emerjensi nya endang kena ngelaban pengelekai pandemik COVID-19 sereta ngenyampatka atur undang – undang bekaul mutarka igi penyakit nya.
“Tu nyengkaum ngena aset sepital peribit, ngambi sementara tanah, begunan tauka reta sepital peribit tauka ngaga peminta ngena rengka sepital peribit kena ngubat pesakit COVID-19,
“Nya, aku enggau bebendar madahka nadai motif jai ba pengawa netapka Emerjensi tu,” ku iya lebuh bejaku ba sesi randau begulai enggau industri ti diatur Opis Menteri Dagang Antarabansa enggau Industri ditu kemari.
Menteri Besai mega nandu baru madahka Emerjensi ukai dikena ngelanggar hak asasi mensia, reta diri empu enggau hak undang-undang ke bukai.
Ku iya, Malaysia bepegai tegut ba prinsip ‘kedaulatan’ undang-undang, nya alai, nya uaki dipejalaika enggau chara ti tau ngemaruhka prinsip undang-undang ti dipegai iya.
“Berebak enggau nyau, komuniti dagang, baikka domestik enggau antarabansa patut meretika pekara tu,” ku iya.
Kelimpah ari nya, Muhyiddin mega madahka pengawa ngelaban pandemik COVID19 enggau sama tanggungpengawa perintah , sektor peribit, mensia mayuh enggau individunya alai semua orang mesti besaup munaska krisis tu.
Kena 12 Januari taun tu, Yang di-Pertuan Agong Al-Sultan Abdullah Ri’ayatuddin Al-Mustafa Billah Shah udah netapka Emerjensi nyentuk1 Ogos tu tauka siti hari bulan ti tumu agi, nyadi atur proaktif kena ngelaban igi penyakit COVID-19.