Tuai Rumah patut nemu chara ngatur organisasyen JKKK
Sida patut bisi ngadu dokumentasyen ti nyadi keretas rasmi ke nyadi malin dalam bejalaika aktiviti di rumah panjai
“
Aku ngelalau semua tuai rumah tauka Chairman JKKK di tetiap rumah panjai sereta genturung pendiau seruran bejalaika kerejasama ti berat enggau perintah lalu enda mudah dirachun runding ari penyakal ke seruran meda seuah pekara ari perintah ti endang enda
” betul.
Datuk Francis Harden Hollis
SRI AMAN: Menteri Muda Pengelantang Komuniti Sarawak Datuk Francis Harden Hollis ngelalau bala Tuai Rumah (TR) tauka chairman Komiti Pemansang enggau Pengelikun Genturung Pendiau (JKKK) bekaul gaya ngatur sebuah JKKK iya nya pengelurus sereta penyereta ti sistematik sereta pekara ti kebendar nya suah dipejalai tang enda ngerundingka dokumentasyen, taja tu ti nyadi keretas rasmi ti nyadi malin lebuh bejalaika aktiviti ba renggat JKKK.
Nitih ku iya, bisi enam pekara ti dikemerat ke patut diperati dalam organisasyen JKKK iya nya keterubah bejalaika aum ti bisi timpuh nya empu, mantaika rikod bajet, nyimpan rikod ti nyadika dokumentasyen, merambu takwim ninting taun, ngerikod projek ti digaga, nganjung ripot ke Opis Pelilih Menua enggau ejensi ti bekaul.
“Aku ngelalau semua tuai rumah tauka Chairman JKKK di tetiap rumah panjai sereta genturung pendiau seruran bejalaika kerejasama ti berat enggau perintah lalu enda mudah dirachun runding ari penyakal ke seruran meda seuah pekara ari perintah ti endang enda betul,”ku iya nyemetak.
Harden ke mega Kaban
Kunsil Nengeri (ADUN) Simanggang madah munyi nya lebuh ti ngulu program begulai enggau Tuai Rumah ke dipilih ari sitak DUN Simanggang ke bepalan ba
Opis Palan Servis Pengari Rayat DUN Simanggang ditu, bedau lama ti udah.
Ku iya, tuju berandau enggau Tuai Rumah tu kena nemu bekaul status aktiviti
JKKK sereta bakani ngatur organisasyen ke diatu nyengkaum pemayuh KIR ari baruh pegai diri empu sereta pemansang di genturung pendiau enggau taman nengah
Menteri Muda Pengelantang Komuniti Sarawak
projek MRP enggau projek Program Menua Pesisir (RTP).
Dulu ari nya, iya udah ngatur pengawa betemu enggau Tuai Rumah Japing Gema ti nyadi Chairman JKKK Kampung Nyakai Baroh enggau Bayum Lasa ti nyadi sekretari.
Randau tu iya nya bekaul enggau kualaiti nyadi ketuai siku Tuai Rumah dalam ngadaka kerejasama enggau siti tuju iya nya ngemansangka genturung pendiau enggau komited sereta lurus.
Ba program betemu ke bukai iya nya begulai enggau Biju Anggat ari Taman Tiara ti nyadi Chairman JKKK ke baru nganti Numpang Jimi ke udah bepinchin. Penatai Chairman JKKK nya mega sama disempulang Bruno Abu, Sekretari sereta Rufus Ikau ti nyadi Tukang Wang JKKK nya.
Program berandau nya mega bekaul enggau tanggungpengawa sebuah JKKK ti nyadi gerempung ti ngarika komuniti dalam ngenataika penanggul lalu nyadi platform kena berandauka isu dalam JKKK.