COVID-19: 533 kes baru positif dirikodka di Sarawak kemari

KUCHING: Bisi 533 kes baru COVID-19 dirikodka di Sarawak kemari enggau 324 ari penyampau kes nya udah ditemu di Pelilih Menua Miri, Kapit, Sibu, Bintulu enggau Kuching.

Komiti Mutarka Penusah Ngenyit Nengeri Sarawak (JPBNS) nengah penerang sida madahka kemari Miri ngerikodka kes ninting hari ti pemadu tinggi (109) lalu ditangkanka enggau Kapit (69), (58), Bintulu (46), Kuching (42), Belaga (40), Sarikei (28), Selangau (26), Meradong (21), Pakan (18), Kanowit (15) sereta Serian (13).

Pia mega kes bukai ditemu di Sebauh (11), Song (7), Sri Aman (7), Tatau (6), Mukah (5), Lubok Antu (4), Bau (2), Pusa (2), Bukit Mabong (1), Subis (1), Julau (1) dan Samarahan (1) ti nyadika penyampau semua kes tu nambah ngagai 37,654 kes.

Ari 533 kes baru ti diripotka nya, bisi 38 iku ngayanka simptom lalu bisi kelai kena rampit COVID19 maya pengawa meresa dipejalaika.

Lalu bisi 439 iku iya nya ari individu ke udah dipinta bejalaika atur kuarantin.

“Enti disimpulka statistik kes tu, iya nya ari 380 kes tu iya nya ari pengawa meresa individu ke bisi kontak semak enggau kes positif COVID-19 lalu 59 iku iya nya individu diperesa dalam kluster aktif ke bisi.

“Pia mega 56 kes bukai iya nya diperesa ba fasiliti pengerai lalu 38 kes iya nya individu diperesa ti bisi simptom di fasiliti pengerai,” ku iya.

JPBNS mega madahka bisi siti kes pemati baru laban kena rampit COVID19 lalu nyadika penyampau kes pemati nambah ngagai 215 iku.

“Kes pemati ke-215 tu iya nya kes ke-32,307 ti ngaul siku indu peranak menua, 60, ti udah diperubat ba Sepital Besai

Sarawak (HUS) laban bisi komplikasyen penyakit riman.

“Peresa ‘swab’ kena 3 Mei 2021 ungkup rT-PCR iya nya ditemu positif COVID-19. Pengerai kes majak kurang lalu iya disahka midang kena 13 Mei 2021,” ku iya seraya nambah, kes tu mega bisi rikod ko-morbid bukai baka penyakit kemi manis enggau tinggi darah.

Kemari mega bisi 497 kes baru ti udah gerai lalu dikemendar pansut ari sepital lalu nyadika penyampau kes semua positif COVID-19 ti udah gerai lalu dikemendar pulai ari sepital naka diatu iya nya 30,885 iku.

Penyampau kes ti agi diperubat lalu diengkah ba wad isolasyen ba PKRC enggau wad sepital lalu nitihka sepital ti endur ngulihka ripot iya nya bisi 6,474 iku.

Pia mega bisi 534 orang ti dikemata (PUI) baru udah diripotka lalu nadai PUI ti nganti pemutus makmal.