Industri rama enggau dagang di Sarawak diperansang nyereta program TEGAS SIA
Dibuka ngagai industri rama enggau dagang ti berejister ari baruh SSM, udah beoperaysen lebih ari enam bulan enggau enda lebih lima taun
“
Tuju program SIA tu dikena ngenyampatka pertumbuhan perusahaan sosial daan perniagaan ba renggat pemungkal seraya ngambika ulih meri empas ngagai Sarawak setipak enggau juluk perintah nengeri ngelakuka inovasyen rama
” enggau pengawa dagang.
Datu Len Talif Salleh
Menteri Muda Pemansang Mengeri, Pengawa Ngatur Tanah enggau Rampa Menua
KUCHING: Industri rama enggau dagang ba nengeri tu diperansang minta nyereta program TEGAS Social Impact Accelerator (SIA) kedua, benung tebuka diatu.
Menteri Muda Pemansang Mengeri, Pengawa Ngatur Tanah enggau Rampa Menua Datu Len Talif Salleh madah program pengelama enam bulan nya diatur Tabung Ekonomi Gagasan Anak Sarawak (TEGAS).
SIA tebuka ngagai industri rama enggau dagang ti direjister ari baruh SSM (tauka badan pengerejister bukai ke diaku) ti abis kurang 51% pemegai saham Sarawak tauka siku pengasas ari Sarawak, ti beoperaysen abis kurangenam bulan enggau enda lebih ari lima taun enggau bukti asil
untung ari penguna.
“Program tu (TEGAS SIA Kedua) deka diatur ari bulan November 2021 ngagai April 2022. Tau minta masuk program tu nengah http://bit.
ly/TSIA2021 . “Tuju program SIA tu dikena ngenyampatka pertumbuhan perusahaan sosial daan perniagaan ba renggat pemungkal seraya ngambika
ulih meri empas ngagai Sarawak setipak enggau juluk perintah nengeri ngelakuka inovasyen rama enggau pengawa dagang.
“Program TEGAS SIA tu mungkur pengawa belajarka ekonomi digital jemah ila, ngena runding pengawa dagang enggau nengkebang empas ti diguna rayat Sarawak kena numbuhka dagang rama sida empu,” ku iya.
Program kali kedua nya deka diatur TEGAS begulai enggau Me.reka – pampang pelajar The Biji-biji Initiative (TBI) iya nya sebengkah dagang rama ti bepelasarka pemasnang ti meruan ngena barang tidigaga baru enggau kreatif sereta kolaboratif, ku iya.
Bejaku baru iya madah program tu disikap ngena penemu, pengelandik enggau pun pemisi daya kolektif kena nyendiaka peneleba ti ulih matak runding pengawa dagang ungkup industri rama enggau dagang di Sarawak.
Industri ti berejister deka masuk sesi ‘bootcamp’ ti diatur ari bulan September ngagai Oktober 2021, lalu semina lima industri rama ti dipilih ulih nyereta program ngiri penemu tu pengelama enam bulan.
Industri rama ti kena pilih deka bulih geran dana ti sepenyampau RM35,000, diembing enggau akses ngagai rentayan pemeranak puku, akses pengelama enam bulan ngagai TEGAS Digital Innovation Hub (ba Kuching, Bintulu enggau Miri enggau Me.reka Maker Space KL) sereta mayuh ke bukai.