Bisi dua kluster COVID-19 baru di Kuching enggau Samarahan

KUCHING: Sarawak bisi dua kluster baru COVID19 iya nya ba pelilih menua Kuching enggau Samarahan.

Komiti Mutarka Penusah Ngenyit Nengeri Sarawak (JPBNS) nengah penerang berita madah kluster baru nya bekaul enggau kluster endur gawa enggau kluster komuniti.

“Bisi dua kluster baru COVID-19 dirikodka ba nengeri tu iya nya Kluster Salak Land, Kuching enggau Kluster Sebayor, Samarahan.

“Kluster Salak Land, Kuching iya nya kluster endur gawa ti bekaul enggau sebuah kompeni nyaga enggau pengelikun peribit ba Jalai Pustaka, Salak Land, Petra Jaya ba pelilih menua Kuching.

“Kluster Sebayor, Samarahan iya nya kluster komuniti ti ditemu asil ari pengawa meresa bekaul enggau peranak ba Kampung Sebayor sereta kontak semak kes indeks ba pelilih menua Samarahan,” ku

JPBNS, kemari.

Nitih ku JPBNS, bisi 187 iku tauka individu bekaul enggau Kluster SalakLland, Kuching udah diperesa sereta ari penyampau nya bisi 41 iku ditemu positif COVID-19 nyengkaum kes indeks, 146 iku negatif enggau tiga kes baru diripotka kemari.

Lalu bekaul enggau Kluster Sebayor, Samarahan bisi 438 iku udah diperesa COVID-19 lalu ari penyampau nya 16 iku ditemu positif enggau 422 iku ditemu negatif.

Semua kes positif ari dua kluster baru nya diperubat sereta diengkah ba Sepital BesaiSarawak(HUS),PKRC ba pelilih menua Kuching enggau Samarahan.

Nambahka nya, JPBNS madahka bisi dua kluster ditukuka udah abis iya nya Kluster Semanok Estet, Tatau enggau Kluster Ulu Sangan, Tatau.

“Dua kluster tu nadai ngerikodka kes baru dalam timpuh 28 hari ke udah,” ku JPBNS.