Kluster Bedup Longgo ditukuka kluster baru COVID-19 di Sarawak kemari

KUCHING: Kluster Bedup Longgo, Serian iya nya siti kluster baru COVID-19 dirikotka ba nengeri tu, kemari.

Komiti Mutarka Penusah Ngenyit Nengeri Sarawak (JPBNS) nengah penerang berita madahka kluster tu iya nya sebengkah kluster komuniti.

“Kluster Bedup Longgo, Serian iya nya kluster ti ditemu bekaul enggau sebengkah genturung pendiau ba Kampung Bedup Longgo ba Serian.

“Naka ke diatu bisi 93 iku idah diperesa sereta ri penyampau nya bisi 24 individu ditemu positif COVID-19 nyengkau kes indeks, 69 individu ditemu negatif enggau 18 kes baru diripotka sehari tu (kemari).

“Bisi siti kes pemati bekaul enggau kluster tu. Sereta kes dalam kluster dianjung sereta diperubatba Sepital Serian enggau PKRC ba Pelilih Menua Serian,” ku JPBNS, kemari.

Nambah nya ba nengeri tu bisi lima kluster ditukuka udah tembu berindik ari nadai ditemu tauka ngerikodka kes baru dalam timpuh 28 kari ke udah.

Lima kluster tu iya nya Kluster Sungai Selangan, Sarikei; Kluster Skim B, Meradong; Kluster Sungai Durin, Sibu; Kluster Sungai Entebu, Sarikei enggau Kluster Sungai Banun, Meradong.

Kelimpah ari nya JKNS kemari madah Atur Nagang Pemindah Diteritaka Adi (PKPD) dipejalaika ba lima bengkah endur ti nyengkaum Asrama Pekerja Multiocean, No.60 Jalan Industri, Sarikei (16 Julai - 01 Ogos 2021); Rh Belayong Anak Buang, KM 22 Jalan Bintulu/ Tatau, bintulu (16 - 29 Julai 2021); Rh Keroh, Sg Sebatu, Ulu Mador, bintangor, Meradong (17 Julai -2 Ogos 2021); Kampung Pasir Hilir, Lundu (18 - 31 Julai 2021) enggau Kampung Garung, Kuching (18 - 31 Julai 2021).