Pansik silik kaul vaksinasyen, pemujur nagang pemati laban COVID-19: Masing
Nentuka Sarawak mujur bejalaika vaksinasyen nagang igi penyakit ti ulih munuh tu
“
Tu engka asil vaksinasyen ti chakah dipejalaika KKM ba Sarawak. Nyema bisi kaul entara vaksinasyen enggau pemati ketegal COVID-19, tu reti perambu vaksinasyen Sarawak iya nya chara ti betul kena nagang igi penyakit ti ulih
” munuh tu.
Tan Sri Datuk Amar James Jemut Masing
KUCHING: Sapit Kepala Menteri Tan Sri Datuk Amar James Jemut Masing meri perambu ngagai Opis Menteri Pengerai Malaysia (KKM) ngambika mansik silik kaul entara vaksinaysen enggau pemujur nagang pemati ketegal COVID-19.
Nitih ku Masing, taja pan 423 kes positif baru COVID19 ditemu ba Sarawak ensanus tang nadai kes pemati baru ketegal virus tu dirikodka.
“Tu engka asil vaksinasyen ti chakah dipejalaika KKM ba Sarawak. Nyema bisi kaul entara vaksinasyen enggau pemati ketegal COVID-19, tu reti perambu vaksinasyen Sarawak iya nya chara ti betul kena nagang igi penyakit ti
Sapit Kepala Menteri
ulih munuh tu,” ku iya ba sebengkah penerang kemari.
Berindik ari nya Masing ti mega Menteri Infrastruktur enggau Pemansang Palan Penyangkai Kapal sereta chairman Jawatankuasa Kawalan
Keselamatan meri perambu bekaul enggau tu ngambika dipansik silik ulih KKM.
“Ari tu, kitai enda masau jam ngena semua chara strategi baka Atur Nagang
Peminta (PKP), Atur Naganag Pemindah Bisi Penetap (PKPB) enggau ke bukai.
“Semina mekuh ngagai pengawa ngulihka pemendar vaksin enggau perambu vaksinasyen ti manah.
“Seliahka politik enggau jalai pengarap dalam beperenag ngelaban COVID-19 tu,” ku Masing.
Juluk Sarawak deka nuchuk vaksin ngagai 80 peratus tauka 2.2 juta ari semua tubuh mensia nyengkaum individu ke diaun enggau kereja ba nengeri tu lebuh manggai bulan Ogos tu.
Sarawak diatu masuk Fasa 2 Pelin Mulaika Pemanah Menua (PPN) ti lebih mayuh agi sektor ekonomi dikemendarka dibuka kena nyemela entara ekonomi enggau pengerai mensia mayuh.