388 kes positif baru COVID-19 dirikodka di Sarawak kemari

KUCHING: Sarawak ngerikodka 388 kes baru positif COVID-19, ti nyadika penyampau semua kes COVID-19 ba nengeri tu nambah nyadi 71,039 kes, naka kemari.

Komiti Mutarka Penusah Ngenyit Nengeri Sarawak (JPBNS) nengah penerang berita madah, tebal agi kes baru nya diripotka ba pelilih menua Kuching bisi 194 kes.

Nangkanka nya kes baru positif COVID-19 kemari ditipotka ba pelilih menua Serian bisi 44 kes; Sibu (28); Samarahan (21); Bau (17); Lundu (15); Sarikei (11); Miri (10); Beluru (8); Subis (7).

Bintulu, Meradong enggau Tatau sama bela ngerikodka lima (5) kes, Asajaya (4); Kapit, Mukah, Lubok Antu enggau Telang Usan (2); Betong, Simunjan, Song, Belagaa, Lawas enggau Selangau sama bela ngeripotka siti (1) kes, kemari.

“Ari penyampau semua (338) kes baru positif COVID-19

sehari tu bisi 42 kes bisi ngayanka kelai (rampit COVID-19) enggau 346 kes nadai kelai.

“Lalu penyampau kes udah gerai sereta dikemedarka pansut ari sepital enggau PKRC kemari bisi 407 kes, lalu ngujungka penyampau semua kes udah gerai sereta dikemendarka pulai ba Sarawak nambah nyadi 65,370 peratus tauka 92.02 peratus,” ku JPBNS, kemari.

Bepelasarka penerang JOPNS, nadai kes pemati ketegal COVID-19 diripotka ba Sarawak kemari.

Nambahka nya, pelilih menua Song betukar ari status Mirah ngagai Oren pengudah semina 33 kes berampit ba pelilih menua tu dalam timpuh 14 hari ke udah.

Lalu pelilih menua Limbang betukar status ari Kuning ngagai Gadung pengudah nadai kes berampit dalam pelilih menua tu diripotka dalam timpuh 14 hari ke udah.